సాఫ్టువేర్ ఉద్యోగాల్లో బెంగళూరుదే హవా కానీ, రెండో స్థానంలో హైదరాబాద్

ఐటీ ఉద్యోగాల అవకాశాలు ఉన్న నగరాల్లో బెంగళూరు మొదటి స్థానంలో, హైదరాబాద్ రెండో స్థానంలో ఉన్నట్లు యూత్4వర్క్ సర్వేలో తేలింది.

ముంబై: ఐటీ ఉద్యోగాల అవకాశాలు ఉన్న నగరాల్లో బెంగళూరు మొదటి స్థానంలో, హైదరాబాద్ రెండో స్థానంలో ఉన్నట్లు యూత్4వర్క్ సర్వేలో తేలింది.

ఉద్యోగ అవకాశాలు ఎక్కువగా ఉన్న నగరాల్లో బెంగళూరు 30 శాతంతో అగ్రస్థానంలో ఉంది. ఆ తర్వాత హైదరాబాద్‌ 19 శాతం, ఢిల్లీ 17 శాతం, అహ్మదాబాద్‌ 12 శాతం, ముంబై 11 శాతం, చెన్నై 11 శాతంతో ఆ తర్వాతి స్థానాల్లో నిలిచాయి.

హార్డ్ వేర్ ఇంజినీరింగ్ విషయంలోను బెంగళూరు తొలిస్థానంలో ఉంది. బెంగళూరు 30 శాతం, హైదరాబాద్ 18 శాతం, చెన్నై 17 శాతం, ఢిల్లీ 17 శాతం, ముంబై 14 శాతం, అహ్మదాబాద్ 4 శాతంతో ఉన్నాయి.

ఒకప్పుడు బెంగళూరుకు మాత్రమే పరిమితమైన ఉద్యోగాలు, ఇప్పుడు చెన్నై, ముంబై, అహ్మదాబాద్‌, ఢిల్లీ, హైదరాబాద్‌లకు సైతం వ్యాపిస్తున్నాయని ఈ సర్వే తెలిపింది.

28 శాతం బెంగళూరు యువత సాఫ్టువేర్ ఉద్యోగాలు చేస్తుంటే, ఆ తర్వాతి స్థానాల్లో హైదరాబాద్‌ 23 శాతం, ఢిల్లీ 22 శాతం, ముంబై 15 శాతం, చెన్నై 10 శాతంతో నిలిచాయి.

ఇక ఢిల్లీలో 26 శాతం మంది యువత హార్డ్‌వేర్‌ ఉద్యోగాలకు మొగ్గుచూపుతున్నారు. ఈ సంఖ్య బెంగళూరు 24 శాతం, హైదరాబాద్‌ 20 శాతం, చెన్నై 12 శాతంలో చొప్పున ఉన్నాయి.

English summary

India is expanding its job employability in the IT sector beyond Bengaluru, the state that is acclaimed to be the country’s information technology hub.