బ్లూ ఫిలింల కేసులో కళ్యాణ్ జైలుకెళ్లొచ్చారు, ముగ్గురు హీరోయిన్లతో లింకు: నట్టికుమార్
హైదరాబాద్: బ్లూ ఫిలింల కేసులో జైలుకెళ్లి వచ్చిన చరిత్ర సి. కళ్యాణ్ది అంటూ నిర్మాత నట్టి కుమార్ ఆరోపించారు. గ్యాంగ్ స్టర్ నయీంతో టాలీవుడ్ నిర్మాతలకు లింకులున్నాయంటూ నిర్మాత నట్టికుమర్ చేసిన వ్యాఖ్యలు కలకలం రేపుతున్నాయి. టాలీవుడ్ నిర్మాత సి. కళ్యాణ్ శుక్రవారం ఉదయం మీడియాతో మాట్లాడుతూ అసభ్య పదజాలంతో నట్టికుమార్పై ధ్వజమెత్తారు.
దీంతో సి. కళ్యాణ్ వ్యాఖ్యలపై నట్టికుమార్ కూడా వేగంగానే స్పందించారు. శుక్రవారం మధ్యాహ్నాం మీడియాతో మాట్లాడిన నట్టి కుమార్ ఆఫీస్ బాయ్గా పనిచేసిన సి.కల్యాణ్ అనతి కాలంలోనే కోట్లు ఎలా సంపాదించాడు? ఆ వ్యవహారమంతా బయటపెట్టాలని నట్టికుమార్ ప్రశ్నించారు.
చెప్పు తెగుద్ది, హీరోయిన్ల నగ్న చిత్రాలు తీసి బ్లాక్మెయిల్: నట్టిపై సి కళ్యాణ్
బ్లూఫిలింకేసులో జైలుకెళ్లిన చరిత్ర మరిచారా? దొంగతనాలతోనే సి. కళ్యాణ్ ఎదిగాడంటూ ఆయన ఆరోపించారు. ముగ్గురు హీరోయిన్లతో కల్యాణ్కు సంబంధాలున్నాయని నట్టి కుమార్ సంచలన వ్యాఖ్యలు చేశారు. మీడియాలో నాపై మూకుమ్మడి దాడి చేస్తున్నారు. వ్యక్తిగతంగా సి. కళ్యాణ్ను ఎదుర్కొనేందుకు సిద్ధమని నట్టికుమార్ సవాల్ విసిరాడు.
సి. కళ్యాణ్పై తాను చేసిన ఆరోపణలకు కట్టుబడి ఉన్నానంటూ ఆయన తేల్చిచెప్పారు. నానక్రాంగూడలో సి. కళ్యాణ్ భూమిని స్వాధీనం చేసుకోవాలని చెప్పిన నట్టికుమార్ తానెక్కడా ఏసుప్రభువు పేరుతో డబ్బు వసూలు చేయలేదని చెప్పుకోచ్చారు. ఏ విచారణకైనా తాను సిద్ధమని నట్టికుమార్ చెప్పారు.
నయీం కేసులో ప్రభుత్వం విచారణ జరుపుతోందని, ఐదారు రోజుల్లో అన్ని వాస్తవాలు బయటపడతాయని ఆయన అన్నారు. తనపై భౌతిక దాడులు చేస్తానని కళ్యాణ్ బెదిరిస్తున్నాడని చెప్పారు. అయితే తాను మాత్రం చావుకైనా సిద్ధమేనని కూడా ఆయన చెప్పారు.
చనిపోతే దావూద్తో కూడా లింకు పెడతాడు: నట్టి ఆరోపణలపై భగ్గుమన్న నిర్మాతలు
నిర్మాత సి. కళ్యాణ్ శుక్రవారం ఉదయం మీడియాతో మాట్లాడుతూ అతనో పిచ్చికుక్క అన్నారు. నట్టి కుమార్.. నోరి జారితే చెప్పు తెగుద్ది అని దుయ్యబట్టారు. ఏసుక్రీస్తు పేరు చెప్పుకొని డబ్బులు దండుకుంటున్నాడన్నారు. నట్టి బాధితులు చాలామంది ఉన్నారని, అతని బాధితుల కోసం ఓ సెల్ ఏర్పాటు చేయాలన్నారు. నట్టిది బ్లాక్ మెయిలింగ్ చరిత్ర అన్నారు.
అతనిని వెంటనే అదుపులోకి తీసుకొని.. అతని వద్ద నయీంతో సంబంధాలున్న ఆధారాలను తీసుకోవాలన్నారు. నట్టి కుమార్తో పాటు ఆయన కుటుంబసభ్యుల పైనా సి కళ్యాణ్ ఆగ్రహం వ్యక్తం చేశారు. గురువారం టాలీవుడ్కు చెందిన పలువురు నిర్మాతలు ప్రెస్ మీట్ పెట్టి నట్టికుమార్పై విరుచుకుపడిన సంగతి తెలిసిందే.