లండన్‌లో ‘బతుకమ్మ’: పోస్టర్ ఆవిష్కరించిన కవిత(ఫొటో)

హైదరాబాద్: నిజామాబాద్ ఎంపి కల్వకుంట్ల కవిత చేతుల మీదుగా లండన్‌లో తెలంగాణా ఎన్నారైఫోరమ్(టిఈఎన్ఎఫ్) ఆధ్వర్యంలో నిర్వహించనున్న ‘బతుకమ్మ - దసరా సంబరాలు' పోస్టర్ ఆవిష్కరించడం జరిగింది. ఈ కార్యక్రమాన్ని తెలంగాణా భవన్‌లో నిర్వహించారు.

ప్రతి సంవత్సరం బతుకమ్మ-దసరా సంబరాలు ఘనంగా నిర్వహించుకుంటామని, కానీఈ సంవత్సరం పండగతో పాటు తమ వంతు బాధ్యతగా, తెలంగాణారైతు కుటుంబాలని ఆదుకోవాలన్న ఎంపి కవిత పిలుపు మేరకు ‘ఈచ్ వన్ అడాప్ట వన్'కు మద్దతుగా బతుకమ్మ-దసరా వేడుకల్లో రాఫెల్ ద్వారా సమకూరే మొత్తాన్నిఅందచేయాలని నిర్ణయించుకున్నామని నిర్వాహకులు తెలిపారు.

రైతు కుటుంబాలని ఆదుకోవాలనే సంకల్పంతో ముందుకు వచ్చి మద్దతు తెలిపినందుకు వారిని ఎంపీ కవిత అభినందించారు. సంస్థ నిర్ణయాన్నిఅభినందించి, ప్రోత్సహించి ‘బతుకమ్మ-దసరా' సంబరాలపోస్టర్‌ను ఆవిష్కరించిన కవితకు నిర్వాహకులు కృతజ్ఞతలు
తెలిపారు.

అక్టోబర్ 24న సాయంత్రం 4 గంటల నుండి వెస్ట్ లండన్‌లోని లాంప్టొన్ స్కూల్ ఆడిటోరియమ్, హౌంస్‌లో జరగబోయే వేడుకల్లో పాల్గొని తెలంగాణా సంస్కృతిని ప్రపంచానికి చాటి చెబుతూ.. అడాప్ట్- ఫార్మర్ కార్యక్రమంలో భాగస్వాములు కావాలని తెలిపారు.

ఈ కార్యక్రమంలో తెలంగాణా ఎన్నారై ఫోరమ్ వ్యవస్థాక సభ్యులు గంప వేణుగోపాల్, ఎఎన్నారై టిఆర్ఎస్ సెల్ ఉపాధ్యక్షులు రాజ్‌కుమార్ శణాబోయన, కో కోర్డిన్‌టోర్లు ప్రవీణ్ కుమార్, సుభాష్ తదితరులు పాల్గొన్నారు.

English summary

MP Kalvakuntla Kavitha on Saturday launched TeNF 'Bathukamma - Dasara' Poster.