ఇంటిలో ' ఇంటి దీపం ' ఆవిష్కరణ: ఫేస్ బుక్ లైవ్
కవి అన్నవరం దేవేందర్ పదవ కవితా సంపుటి ' ఇంటి దీపం 'ను కరీంనగర్ లోని తన ఇంటిలో నవంబర్ 24 న నిరాడంబరంగా విడుదల చేశారు .
కవి అన్నవరం దేవేందర్ పదవ కవితా సంపుటి ' ఇంటి దీపం 'ను కరీంనగర్ లోని తన ఇంటిలో నవంబర్ 24 న నిరాడంబరంగా విడుదల చేశారు . సాహితీ సోపతి ప్రచురించిన పుస్తకాన్ని ఆయన పదిమంది సాహితీ మిత్రులచే వినూత్నంగా ఆవిష్కరింప చేసారు.
మొదట అన్నవరం సహచరి ఏదునూరి రాజేశ్వరి దీపం ముట్టిచ్చి సమావేశం ప్రారంభించారు. కార్యక్రమంలో కేంద్ర సాహిత్య అకాడమి పురస్కార గ్రహీత నలిమెల భాస్కర్ ,తెలంగాణా జర్నలిస్టుల సంఘం రాష్ట్ర అధ్యక్షుడు నగునూరి శేఖర్ ,రిటైర్డ్ డిప్యూటి కలెక్టర్ కవి బండారి అంకయ్య ,ప్రముఖ న్యాయవాది రచయిత గిలబీల మల్లారెడ్డి తెరవే రాష్ట్ర ప్రధాన కార్యదర్శి గాజోజు నాగభూషణం పాల్గొన్నారు.ప్ర
వారితో పాటు ముఖ చిత్రకారుడు అన్నవరం శ్రీనివాస్ ,కవులు బూర్ల వెంకటేశ్వర్లు కూకట్ల తిరుపతి,వడ్నాల కిషన్ ,సి .వి. కుమార్ ,విలసగరం రవీందర్ ,ప్రేమసాగర్ రావ్ ,అన్నవరం గవుతం,మణిమాల ,రాజమల్లు ,అక్షిత లు పాల్గొన్నారు.
సాదాసీదా గ జరిగిన మొత్తం కార్యక్రమం ఫేస్ బుక్ లో లైవ్ ప్రసారం కావడం విశేషం .ఈ సమయంలో దాదాపు వెయ్యి మంది వీక్షించినట్లు సి .వి కుమార్ ఓ ప్రకటనలో తెలిపారు.