టాలీవుడ్లో ఒక హీరో వద్దనుకున్న కథతో మరో హీరో సినిమా చేయడం, అది బ్లాక్బస్టర్ అవ్వడం చాలా సహజంగా జరుగుతుంటుంది. మెగాస్టార్ చిరంజీవి వద్దనుకున్న కథలతో నటసింహం బాలకృష్ణ సినిమాలు చేసి ఇండస్ట్రీ హిట్ కొట్టిన సందర్భాలు టాలీవుడ్ చరిత్రలో నిలిచిపోయాయి. ఆ ఆసక్తికరమైన వివరాలు ఇక్కడ తెలుసుకుందాం.
టీటీడీ తరహాలో యాదాద్రి బోర్డు.. చైర్మన్ గా ప్రముఖ పారిశ్రామికవేత్త, చిరంజీవి సతీమణికి స్థానం
మంగమ్మగారి మనవడు (1984) - 'ఇండస్ట్రీ హిట్'
బాలకృష్ణ కెరీర్ను మలుపు తిప్పిన అత్యంత ప్రతిష్టాత్మకమైన చిత్రం 'మంగమ్మగారి మనవడు'. దర్శకుడు కోడి రామకృష్ణ ఈ కథను మొదట చిరంజీవికి వినిపించారు. కానీ, అప్పట్లో చిరంజీవి యాక్షన్, అర్బన్ బ్యాక్డ్రాప్ సినిమాలతో బిజీగా ఉండటం, పైగా పల్లెటూరి నేపథ్యంలో సాగే ఈ కథ తనకు అంతగా సూట్ కాకపోవచ్చని భావించి దీనిని రిజెక్ట్ చేశారు. ఆ తర్వాత ఈ కథ బాలకృష్ణ దగ్గరికి వచ్చింది. ఆయన వెంటనే ఓకే చేసి నటించారు. ఈ సినిమా అప్పట్లో బాక్సాఫీస్ వద్ద రికార్డుల వర్షం కురిపించి, బాలకృష్ణ కెరీర్లో మొట్టమొదటి 'ఇండస్ట్రీ హిట్'గా నిలిచింది. ఈ సినిమా 565 రోజులకు పైగా ఆడి సంచలనం సృష్టించింది.
బాలకృష్ణ కెరీర్లో ఆగిపోయిన సినిమాలివే.. కారణాలు ఏంటంటే ??
చిరంజీవి వదులుకున్న మరో సూపర్ హిట్ కథను బాలయ్య తన ఖాతాలో వేసుకున్నారు. పరుచూరి బ్రదర్స్ రాసిన ఈ కథను మొదట చిరంజీవికి వినిపించారు. అయితే, ఈ కథలో హీరో రోల్ కంటే శారద పోషించిన అక్క పాత్రకు ఎక్కువ ప్రాధాన్యత ఉందని భావించి చిరంజీవి ఈ ప్రాజెక్ట్ వదులుకున్నారు. ఆ తర్వాత ఈ కథ సూపర్ స్టార్ కృష్ణ, సుమన్ వంటి హీరోల దగ్గరికి వెళ్ళినా వారు కూడా రిజెక్ట్ చేశారు. చివరి ప్రయత్నంగా దర్శకుడు మురళీ మోహన రావు ఈ కథను బాలకృష్ణకు చెప్పగా, ఆయనకు బాగా నచ్చి గ్రీన్ సిగ్నల్ ఇచ్చారు. విజయశాంతి హీరోయిన్గా వచ్చిన ఈ సినిమా బాక్సాఫీస్ వద్ద భారీ విజయాన్ని అందుకుంది. సాధారణంగా ఆ కాలంలో పరుచూరి బ్రదర్స్, కోడి రామకృష్ణ వంటి వారు ఒకరి ఇమేజ్ను బట్టి కథలు రాసేవారు. చిరంజీవి మాస్, క్లాస్, డ్యాన్స్ ఓరియెంటెడ్ కథలను ఎక్కువగా ఇష్టపడితే... బాలయ్య పౌరాణిక, జానపద, పల్లెటూరి నేపథ్యం లేదా ఫ్యాక్షన్ కథలపై ఎక్కువ ఆసక్తి చూపించేవారు. అందుకే ఒకరు వద్దనుకున్న కథలు మరొకరికి పర్ఫెక్ట్గా సెట్ అయ్యేవి!కథానాయకుడు (1984)