యూత్ ఫుల్ లవ్ స్టోరీస్ కు ఎప్పుడూ ప్రేక్షకుల నుంచి మద్దతు ఉంటుంది. అలాగే ఇటీవల థియేటర్లలో ప్రేక్షకులను అలరించి.. మంచి విజయాన్ని అందుకున్న యూత్ ఫుల్ అండ్ ఎమోషనల్ లవ్ స్టోరీ మూవీ 'దీవానా' .. ఈ మూవీలో హర్షిత్ రెడ్డి, నూతన నటి స్మేహ మణిమేఘలై జంటగా నటించారు. నూతన దర్శకుడు శ్రీకాంత్ సంగిశెట్టి దీన్ని తెరకెక్కించారు. వాసుదేవ్ కొప్పినేని, శ్రీదేవి కార్యంపూడి నిర్మించారు. జూన్ 20న ఈ మూవీ గ్రాండ్ గా విడుదల అయింది. థియేటర్లలో పాజిటివ్ టాక్ తెచ్చుకుంది.
అయితే ఈ సినిమా డిజిటల్ స్ట్రీమింగ్ రైట్స్ ను ప్రముఖ తెలుగు ఓటీటీ ప్లాట్ ఫామ్ 'ఆహా' సొంతం చేసుకుంది. స్టార్టింగ్ లో ఈ సినిమా 'గోల్డ్' సబ్ స్క్రిప్షన్ ఉన్న యూజర్లకు మాత్రమే అందుబాటులో ఉండేది. అయితే నేటి నుంచి సాధారణ సబ్ స్క్రైబర్లు అందరికీ కూడా ఈ మూవీ స్ట్రీమింగ్ అవుతోంది. థియేటర్లలో ఈ మూవీని మిస్ అయిన ప్రేక్షకులు ఇప్పుడు ఇంట్లోనే హాయిగా వీక్షించే అవకాశం ఉంది.
ఇక దీవానా స్టోరీ విషయానికి వస్తే.. మున్నా(హర్షిత్ రెడ్డి) ఆవారాగా ఫ్రెండ్స్ తో కలిసి తిరుగుతుంటాడు. ఈ క్రమంలో మీసేవ కేంద్రంలో పనిచేసే హీరోయిన్ అమూల్య (స్మేహ మణిమేఘలై)ను చూసి ప్రేమిస్తాడు. అమూల్యను దక్కించుకోవడం కోసం అనేక ప్రయత్నాలు చేస్తాడు. మొదట్లో మున్నా ప్రేమను పెద్దగా పట్టించుకోని అమూల్య ఆ తర్వాత మున్నాను లవ్ చేస్తుంది. అయితే మున్నాను ప్రభుత్వ ఉద్యోగం సాధించమని కండీషన్ పెడుతుంది. ఈ లక్ష్యంతో మున్నా ప్రయాణం స్టార్ట్ అవుతుంది. ఈలోగా కుటుంబ సమస్యలు, ప్రేమలో ట్విస్ట్ కథను మలుపు తిప్పుతాయి. మరి ఈ ప్రేమకథలో ఎలాంటి మలుపులు తిరిగింది..? మున్నా తన ప్రేమను ఎలా గెలుచుకున్నాడు..? అనేదే స్టోరీ. ఈ విషయాలు తెలియాలంటే దీవానా మూవీ చూసి తీరాల్సిందే..