ఈ మధ్యకాలంలో ప్రేక్షకులు థియేటర్ల కంటే ఓటీటీలకే ఎక్కువ ప్రాధాన్యత ఇస్తున్నారు. కొత్త కథలు, ఉత్కంఠ రేపే వెబ్ సిరీస్లు ఎప్పటికప్పుడు ప్రేక్షకులను పలకరిస్తూనే ఉన్నాయి. ముఖ్యంగా క్రైమ్, సస్పెన్స్ థ్రిల్లర్ సినిమాలకు ఓటీటీలో విపరీతమైన డిమాండ్ ఉంటోంది. ఈ క్రమంలోనే వివాహేతర సంబంధం, హత్య, రివెంజ్ నేపథ్యంలో సాగే ఒక బాలీవుడ్ సినిమా ఇప్పుడు నెట్ఫ్లిక్స్లో తెగ ట్రెండ్ అవుతోంది. ఆ సినిమా పేరు 'హసీన్ దిల్రుబా'.
ఇంతకీ కథ ఏంటంటే?
ఒక చిన్న టౌన్లో జరిగే ఘోరమైన హత్య చుట్టూ ఈ కథ నడుస్తుంది. సినిమా మొదట్లోనే హీరో రిషభ్ (విక్రాంత్ మాస్సే) ఇంట్లో పెద్ద సిలిండర్ పేలుడు జరుగుతుంది. ఆ ప్రమాదంలో ఒక చేతిపై భార్య పేరు టాటూ ఉన్న ఒక మొండెం పోలీసులకు దొరుకుతుంది. అది రిషభ్దేనని నిర్ధారించిన పోలీసులు.. అతని భార్య రాణి (తాప్సీ పన్ను) మీద అనుమానంతో విచారణ మొదలుపెడతారు. పోలీస్ స్టేషన్లో రాణి చెప్పే ఫ్లాష్బ్యాక్ కథతో సినిమా అసలు మలుపులు తిరుగుతుంది.
రాణి, రిషభ్లది పెద్దలు కుదిర్చిన పెళ్లి. రిషభ్ చాలా అమాయకుడు, భార్యను ప్రాణంగా చూసుకునే మనస్తత్వం ఉన్నవాడు. కానీ రాణికి మాత్రం మొగుడి పద్ధతులు నచ్చవు. ఇద్దరి మధ్య ఎలాంటి ఎమోషనల్ బాండింగ్ ఉండదు. ఇలాంటి టైమ్లో రిషభ్ సొంత బాబాయ్ కొడుకు (మరిది వరుసయ్యే) నీల్ (హర్షవర్ధన్ రాణే) వాళ్ల ఇంటికి వస్తాడు. కండలు తిరిగిన శరీరం, అల్లరి స్వభావం ఉన్న నీల్ వైపు రాణి ఆకర్షితురాలవుతుంది. అలా వారిద్దరి మధ్య వివాహేతర బంధం మొదలవుతుంది. ఈ తప్పు వారి జీవితాల్లో ఎలాంటి తుపాను తెచ్చిందో అనేది మిగతా కథ. రాణి, నీల్ వ్యవహారం భర్త రిషభ్కు తెలిసిపోతుంది. దీంతో అతను తీవ్ర మనస్తాపానికి గురవుతాడు. కానీ, ఆ తర్వాత జరిగిన కొన్ని నాటకీయ పరిణామాల వల్ల రాణి తన తప్పు తెలుసుకుంటుంది. భర్తపై ప్రేమ పెంచుకుని ఇద్దరూ మళ్లీ ఒకటవుతారు. అయితే సినిమా చివరి 20 నిమిషాల్లో వచ్చే ట్విస్ట్ ప్రేక్షకులకు మైండ్ బ్లాక్ చేస్తుంది. నిజానికి ఆ పేలుడులో చనిపోయింది భర్త రిషభ్ కాదు.. మరిది నీల్! ఒక గొడవలో నీల్ చనిపోతే.. భర్తపై ఉన్న ప్రేమతో రాణి, భార్యపై ఉన్న పిచ్చితో రిషభ్ కలిసి ఆ శవాన్ని కాల్చేసి, పోలీసులను నమ్మించడానికి ఒక పక్కా ప్లాన్ వేస్తారు. ఆ ప్లాన్ ఏంటి? పోలీసులు రాణిని పట్టుకున్నారా లేదా? అనేది నెట్ఫ్లిక్స్లో చూడాల్సిందే. ప్రేమ, మోసం, క్రైమ్ ఎలిమెంట్స్తో సాగే ఈ సినిమాలోని అనూహ్య మలుపులు థ్రిల్లర్ సినిమాలను ఇష్టపడేవారికి ఒక మంచి ఛాయిస్ అని చెప్పొచ్చు.పెళ్లయిన కొత్తలో.. మరిదితో మోహం!
ఊహించని క్లైమాక్స్ ట్విస్ట్!