'లెనిన్' సినిమాలో రష్మికతో ఐటెం సాంగ్: తమన్ క్లారిటీ!

లెనిన్ సినిమాలో ఓ ఐటెం సాంగ్ పెట్టాలని అనుకున్నామని.. కంపోజ్ కూడా చేశామని.. కానీ పాట షూటింగ్ ప్రారంభించాలనుకునే సమయానికి.. స్టోరీకి ఐటెం సాంగ్ సెట్ కాదని భావించారని తమన్ చెప్పుకొచ్చారు. ఈ ఐటెం సాంగ్ ను బలవంతంగా సినిమాలో పెట్టడం వల్ల స్టోరీ వేగానికి అంతరాయం కలుగుతుందని.. ప్రేక్షకులు దానిని ఒక "స్పీడ్ బ్రేకర్"గా భావించే ప్రమాదం ఉందని నిర్మాతలు గ్రహించారని తమన్ తెలిపారు.. అందుకే సినిమా రన్‌టైమ్‌, కథలోని వేగాన్ని కాపాడటం కోసం ఆ పాటను తొలగించడమే మంచిదని నిర్ణయించుకున్నారు. కానీ ఆ సమయంలో తనకు కోపం వచ్చిందని.. బాధలో సినిమాకు సంబంధించిన నాలుగైదు వాట్సాప్ గ్రూపుల నుంచి వైదొలిగినట్లు తమన్ చెప్పుకొచ్చారు. ఈ ఐటెం సాంగ్ కోసం రష్మిక, పూజా హెగ్డే పేర్లను చిత్ర బృందం పరిశీలించినట్లు పేర్కొన్నారు. కానీ ఆ ఐటెం సాంగ్ పెడితే సినిమా కథ మారిపోతుందని.. నెగెటివ్ రివ్యూలు రాస్తారని.. చివరి నిమిషంలో తీసేశారని సంగీత దర్శకుడు తమన్ వెల్లడించారు.