బాలీవుడ్ ప్రముఖ దర్శకుడు నితీష్ తివారీ అత్యంత ప్రతిష్టాత్మకంగా తెరకెక్కిస్తున్న పౌరాణిక దృశ్యకావ్యం 'రామాయణం'. గ్లోబల్ స్థాయిలో భారీ అంచనాల నడుమ ఇటీవల విడుదలైన ఈ చిత్ర ట్రైలర్ ఇంటర్నెట్ను ఊపేస్తోంది. ఈ విజువల్ వండర్పై టాలీవుడ్ సెన్సేషనల్ డైరెక్టర్, 'యానిమల్' ఫేమ్ సందీప్ రెడ్డి వంగా స్పందించిన తీరు ఇప్పుడు సోషల్ మీడియాలో తీవ్ర చర్చనీయాంశమైంది.
'జుట్లు పట్టుకొని కొట్టుకున్నాం': తొలి సినిమా సెట్లోనే సహనటుడిని చితకబాదిన బ్యూటీ!
"ఇది రామయుగం ఆరంభం!"
సాధారణంగా సినిమాలపై చాలా అరుదుగా స్పందించే సందీప్ రెడ్డి వంగా, 'రామాయణం' ట్రైలర్ చూసి ఫిదా అయ్యారు. తన ఎక్స్ ఖాతా వేదికగా ప్రశంసలు కురిపిస్తూ ఒక పవర్ఫుల్ మెసేజ్ ఇచ్చారు. "ఇది కేవలం ఒక ట్రైలర్ మాత్రమే కాదు.. అధర్మంపై ధర్మం సాధించే విజయాన్ని చాటిచెప్పే సనాతన శంఖారావం. ఇది నిజమైన రామయుగానికి ఆరంభం" అంటూ సందీప్ పోస్ట్ చేశారు. ప్రస్తుతం ప్రభాస్తో 'స్పిరిట్' చిత్రాన్ని ప్లాన్ చేస్తున్న ఈ మాస్ డైరెక్టర్, రామాయణం సినిమాలోని ఎమోషన్స్, హాలీవుడ్ స్థాయి విజువల్ మేకింగ్కు తాను ముగ్ధుడినయ్యానన్నారు.
'శ్రీనివాస మంగాపురం' సినిమా రివ్యూ.. బొమ్మ సూపర్ హిట్..!
ట్రైలర్లో నటీనటుల గెటప్లు, వారి స్క్రీన్ ప్రెజెన్స్ ప్రేక్షకులను కట్టిపడేస్తున్నాయి. రణ్బీర్ కపూర్ శ్రీరాముడి పాత్రలో ప్రశాంతత, గంభీరత కలబోసిన నటనతో అకట్టుకున్నారు. సాయి పల్లవి సీతాదేవిగా తన సహజ సిద్ధమైన అభినయంతో పాత్రలో ఒదిగిపోయారు. కన్నడ రాకింగ్ స్టార్ యశ్ రావణాసురుడిగా మాసివ్ లుక్స్, గంభీరమైన స్వరం (వాయిస్)తో ట్రైలర్కే ప్రధాన ఆకర్షణగా నిలిచారు. భారతీయ మూలాలను, భావోద్వేగాలను పీక్స్ టచ్ చేసేలా నిర్మించిన ఈ 'రామాయణం' బాక్సాఫీస్ వద్ద సరికొత్త రికార్డులు సృష్టించడం ఖాయమని నెటిజన్లు కూడా కామెంట్లు చేస్తున్నారు. ఈ సినిమాను రెండు భాగాలుగా విడుదల చేసే యోచనలో చిత్ర యూనిట్ ఉంది.పాత్రల్లో జీవించేసిన తారాగణం