బాబులకే బాబు.. స్పైడర్ బాబు.. బాక్సాఫీస్ వద్ద ఊచకోత

ప్రపంచవ్యాప్తంగా జూలై 30 న విడుదలైన ఈ మూవీ కేవలం భారత్ లో ఒక్క రోజే రూ. 61 కోట్లు వసూలు చేసి సంచలనం సృష్టించింది. ఇండియన్ బాక్సాఫీస్ వ‌ద్ద‌ ఈ రేంజ్ విధ్వంసం మరే హాలీవుడ్ సినిమాకూ జరగలేదు. భారత్ లో ఇప్పటివరకూ అవెంజర్స్: ఎండ్‌ గేమ్ (రూ.53.10 కోట్లు) పేరిట ఉన్న ఫస్ట్ డే కలెక్షన్స్ రికార్డ్‌ ను ఈ సినిమా బద్దలు కొట్టింది. అలా స్పైడర్-మ్యాన్: బ్రాండ్ న్యూ డే మూవీ ఆల్ టైమ్ నెంబర్ వన్ స్థానాన్ని సొంతం చేసుకుంది.

స్పైడర్-మ్యాన్: బ్రాండ్ న్యూ డే మూవీ ఇండియాలో మొత్తం అన్ని వెర్షన్స్ ను కలిపి 5,000 పైగా స్క్రీన్స్ లో విడుదలైంది. తొలిరోజే ఇంతటి భారీ వసూళ్లు రాబట్టిన ఈ చిత్రం.. లాంగ్ వీకెండ్ ముగిసేసరికి సుమారు రూ.200 కోట్ల వరకు కలెక్షన్లను సాధించే అవకాశం ఉందని ట్రేడ్ పండితులు అంచనా వేస్తున్నారు. ఇక తెలుగు రాష్ట్రాల్లోనూ స్పైడర్ మ్యాన్ మూవీ హవా కొనసాగిస్తోంది. నైజాం, ఆంధ్రా వ్యాప్తంగా తొలిరోజే ఈ సినిమా రూ. 9 కోట్ల గ్రాస్ రాబట్టి ట్రేడ్ వర్గాలను ఆశ్చర్యపరిచింది.

థియేటర్ లో ఈ లవ్ స్టోరీ మిస్ అయ్యారా..? OTT లో మాత్రం మిస్ అవ్వొద్దు..

ప్రపంచవ్యాప్తంగా స్పైడర్-మ్యాన్: బ్రాండ్ న్యూ డే మూవీకి ప్రేక్షకులు బ్రహ్మరథం పడుతున్నారు. నార్త్ అమెరికా అయితే కలెక్షన్ల సునామీ సృష్టిస్తోంది. కేవలం ప్రీవ్యూ షోల ద్వారానే 70 నుంచి 75 మిలియన్ డాలర్లు రాబట్టే దిశగా దూసుకెళ్తోంది.