నితీష్ తివారీ దర్శకత్వంలో తెరకెక్కుతున్న మోస్ట్ అవేటెడ్ మూవీ 'రామాయణ'లో సీత పాత్రను తాను తిరస్కరించానన్న వదంతులపై కేజీఎఫ్ ఫేమ్ శ్రీనిధి శెట్టి తొలిసారి స్పందించారు. తాను సీతామాత పాత్రను ఎప్పుడూ తిరస్కరించలేదని స్పష్టం చేశారు. ఆమె ఆ పాత్ర కోసం ఆడిషన్ ఇచ్చానని.. కానీ ఎంపిక కాలేదని ఆ నటి వెల్లడించారు. సీతాదేవి పాత్రను తన 'కలల పాత్ర'గా అభివర్ణిస్తూ.. అలాంటి అవకాశాన్ని తాను ఎప్పటికీ వదులుకోలేనని శ్రీనిధి అన్నారు.
ఆ మోడ్రన్ డ్రెస్లు ఏందయ్యా?: 'రామాయణ' ట్రైలర్లో ఆమెను చూపించిన తీరుపై దుమారం!
నేను ఆ పాత్రను తిరస్కరించలేదు..
ఇటీవల ఓ ఇంటర్వ్యూలో రామాయణలో సీత పాత్రను తాను తిరస్కరించినట్లు మీడియాలో వార్తలు ప్రచారమయ్యాయని.. కానీ వాస్తవం అది కాదని శ్రీనిధి శెట్టి తెలిపారు. శ్రీనిధి శెట్టి మాట్లాడుతూ.. "నేను రామాయణలో సీత పాత్ర కోసం ఆడిషన్ ఇచ్చాను. కానీ ఎంపిక కాలేదు. నేను ఆ పాత్రను తిరస్కరించానని వార్తలు వచ్చాయి. నేనెందుకు రిజెక్ట్ చేస్తాను? అది నా డ్రీమ్ పాత్ర " అని స్పష్టం చేశారు. ఇలా అవాస్తవమైన వార్తలు, పుకార్లు చాలా వేగంగా వ్యాప్తి చెందుతాయని.. చివరికి ప్రజలు వాటిని నిజమని నమ్ముతారని ఆమె వెల్లడించారు.
భారతీయ సినిమా రంగంలో సీతామాత పాత్ర అత్యంత ప్రతిష్టాత్మకమైన, సవాలుతో కూడుకున్న పాత్రలలో ఒకటి అని ఆ నటి అన్నారు. అందువల్ల, ఏ కథానాయిక కూడా అలాంటి అవకాశాన్ని అంత తేలికగా వదులుకోదు. ఆ పాత్ర కోసం ఆడిషన్ ఇవ్వడమే ఓ గౌరవంగా భావిస్తున్నానని ఆమె అంగీకరించారు. మద్దతు తెలిపిన అభిమానులు సినిమా ఎప్పుడు విడుదల అవుతుంది?
దక్షిణాది నటి శ్రీనిధి చేసిన ఈ ప్రకటన తర్వాత సోషల్ మీడియాలో అభిమానులు ఆమె నిజాయితీని ప్రశంసించారు. పుకార్లను కాకుండా నటీనటుల అధికారిక ప్రకటనలను నమ్మాలని చాలా మంది నెటిజన్లు కామెంట్లు చేస్తున్నారు. నితేష్ తివారీ దర్శకత్వంలో తెరకెక్కుతున్న రెండు భాగాల చిత్రం 'రామాయణ'లో రణబీర్ కపూర్ శ్రీరాముడి పాత్రలో, సాయి పల్లవి సీతామాత పాత్రలో నటిస్తున్నారు. ఈ చిత్రంలో యశ్ రావణుడి పాత్రలో కనిపించనున్నారు. ఇది కాకుండా లారా దత్తా కైకేయి పాత్రలో, షీబా చద్దా మంథర పాత్రలో, రవి దూబే లక్ష్మణుడి పాత్రలో, అరుణ్ గోవిల్ దశరథ మహారాజు పాత్రలో నటిస్తున్నారు.'రామాయణం’ ట్రైలర్పై సందీప్ రెడ్డి వంగా సంచలన పోస్ట్ వైరల్!
రెండు భాగాలుగా రూపొందుతున్న ఈ భారీ బడ్జెట్ చిత్రం, 2026, 2027 దీపావళి పండుగల సమయంలో విడుదల కానుంది. రెండో భాగం షూటింగ్ ఈ ఏడాది అక్టోబరు నాటికి ప్రారంభమయ్యే అవకాశం ఉంది. శ్రీనిధి శెట్టి 2018లో 'కేజీఎఫ్: చాప్టర్ 1' చిత్రంతో సినీ రంగ ప్రవేశం చేసింది. అప్పటి నుంచి తన నటనతో, తెరపై తన ఉనికితో మంచి పేరు సంపాదించుకుని, అనేక ప్రధాన ప్రాజెక్టులలో భాగమవుతూనే ఉంది.