14 ఏళ్ల వయస్సులో ఎక్కువ మంది విద్యార్థులు పరీక్షలు, హోంవర్క్తో బిజీగా ఉంటారు. కానీ జైనమ్ జైన్ అనే పిల్లోడు మాత్రం అదే వయస్సులో దుబాయ్లోని బుర్జ్ ఖలీఫా నుంచి తన AI స్టార్టప్ను ప్రారంభించి స్టార్టప్ వర్గాల్లో చర్చనీయాంశంగా మారాడు. చిన్న వయస్సులోనే టెక్నాలజీ, వ్యాపారంపై దృష్టి పెట్టిన యువ వ్యవస్థాపకుడిగా జైనమ్ పేరు వినిపిస్తోంది.
జైనమ్ స్థాపించిన సంస్థ పేరు మెంగో ఇంజిన్. ఇది కృత్రిమ మేధస్సు ఆధారంగా పనిచేసే ప్లాట్ఫామ్. వ్యాపార సంస్థలకు మార్కెటింగ్, కస్టమర్ కమ్యూనికేషన్, సేల్స్ సపోర్ట్, కంటెంట్ క్రియేషన్ వంటి పనులను ఆటోమేట్ చేయడంలో సహాయపడేలా దీన్ని రూపొందించినట్లు సమాచారం.
జైనమ్కు వ్యాపారంపై ఆసక్తి ఆరేళ్ల వయస్సులోనే మొదలైందని అతని గురించి వచ్చిన వివరాలు చెబుతున్నాయి. తండ్రితో కలిసి ఒక వ్యాపార సమావేశానికి వెళ్లిన అనుభవం అతనిపై ప్రభావం చూపిందట. ఆ తర్వాత స్టార్టప్ ఈవెంట్లు, వ్యాపార సమావేశాలు, పారిశ్రామికవేత్తలతో చర్చలు అతని నేర్చుకునే ప్రక్రియలో భాగమయ్యాయి. చదువును పక్కన పెట్టకుండా, వేగంగా నేర్చుకునే విధానాన్ని జైనమ్ ఎంచుకున్నాడు. 13 ఏళ్ల వయస్సులో IGCSE 10వ తరగతి సిలబస్ను 105 రోజుల్లో పూర్తి చేసినట్లు చెబుతున్నారు. స్టార్టప్పై ఎక్కువ సమయం కేటాయించాలనే ఆలోచనతో అతను ఈ పద్ధతిని అనుసరించినట్లు తెలుస్తోంది. జైనమ్ కేవలం స్టార్టప్ వ్యవస్థాపకుడిగానే కాకుండా TEDx వేదికపై మాట్లాడిన యువకుడిగా కూడా గుర్తింపు పొందాడు. అతని పేరుపై రెండు పేటెంట్లు ఉన్నాయని, ఒక పుస్తకాన్ని కూడా రచించాడని వివరాలు చెబుతున్నాయి. యూట్యూబ్లో అతనికి 1.45 లక్షలకు పైగా సబ్స్క్రైబర్లు ఉన్నట్లు సమాచారం. 10 ఏళ్ల వయస్సు నుంచి జైనమ్ తనకుతానే 50 రోజుల ఛాలెంజ్లు పెట్టుకునేవాడట. 50 పుస్తకాలు చదవడం, 50 బిజినెస్ ఈవెంట్లకు వెళ్లడం, భారతదేశంలో వేల కిలోమీటర్లు ప్రయాణించి నిపుణులను కలవడం వంటి లక్ష్యాలు అందులో ఉన్నాయి. AI రంగం వేగంగా పెరుగుతున్న సమయంలో జైనమ్ కథ యువతలో ఆసక్తి రేపుతోంది. అయితే స్టార్టప్ విజయాన్ని చివరికి ఉత్పత్తి నాణ్యత, వినియోగదారుల నమ్మకం, వ్యాపార స్థిరత్వమే నిర్ణయిస్తాయి. చిన్న వయస్సులో పెద్ద లక్ష్యం పెట్టుకున్న జైనమ్ ప్రయాణం ఇక ఎలా సాగుతుందన్నది ఆసక్తికరంగా మారింది.జైనమ్ జైన్ ప్రయాణం ఎలా మొదలైంది?
AI స్టార్టప్తో పాటు ఇతర గుర్తింపులు