రాజు క్షమాభిక్ష.. ఒక్క రాత్రిలో మారిన దేశ తలరాత! ఎమర్జెన్సీ అలర్ట్..

పేదరికం, నిరుద్యోగంతో అల్లాడుతున్న వేలాది మంది యువకులు, కుటుంబాలు నిజానిజాలు తెలుసుకోకుండానే 'ఇదే మంచి సమయం' అనుకుని ఒక్కసారిగా సరిహద్దుల వైపు పరుగులు తీశారు. కొందరు ఎత్తైన కంచెలను దాటేందుకు ప్రయత్నించగా, మరికొందరు ప్రాణాలకు తెగించి సముద్ర మార్గంలో ఈదుకుంటూ ఒడ్డుకు చేరారు. కేవలం రెండు మూడు రోజుల్లోనే దాదాపు 60 వేల మంది వరకు ఈ చిన్న ఎన్‌క్లేవ్‌లోకి ప్రవేశించడంతో స్థానిక యంత్రాంగం చేతులెత్తేసింది. ఈ ప్రమాదకర ప్రయాణంలో34 మంది ప్రాణాలు కోల్పోయినట్లు సమాచారం. గతంలో 2021లోనూ ఇక్కడ ఇలాంటి ఘటనే జరిగి సుమారు 10,000 మంది చొరబడ్డారు. కానీ ఈసారి ఆ సంఖ్య ఐదు రెట్లకు పైగా ఉండటం గమనార్హం.

150 ఏళ్ల తర్వాత సింహాసనంపై యువరాణి.. 20 ఏళ్లకే దేశాన్ని ఏలే రాజకుమారి

మూతపడిన దుకాణాలు.. రద్దయిన వేడుకలు

ఈ అకస్మాత్తు పరిణామంతో సీవుటా నగరంలో సాధారణ జీవనం పూర్తిగా అస్తవ్యస్తమైంది. భద్రతా కారణ దృష్ట్యా వ్యాపార సంస్థలన్నీ మూతపడ్డాయి. కేవలం మెడికల్ షాపులు మాత్రమే పనిచేస్తున్నాయి. నిత్యావసర సరుకులు, పాలు, రొట్టెలు కూడా దొరకని పరిస్థితి నెలకొనడంతో స్థానిక ప్రజలు తీవ్ర ఇబ్బందులు పడుతున్నారు. పరిస్థితి తీవ్రతను దృష్టిలో ఉంచుకుని నగర ప్రభుత్వం నిర్వహించాల్సిన వార్షిక ఉత్సవాలను సైతం రద్దు చేసింది. రోడ్లపై ఎటు చూసినా గందరగోళం, అలజడి రాజ్యమేలుతున్నాయి.

రంగంలోకి సైన్యం.. స్పెయిన్, మొరాకోల సంయుక్త చర్యలు

భద్రతను పునరుద్ధరించేందుకు స్పెయిన్ ప్రభుత్వం వెంటనే రంగంలోకి దిగింది. స్థానిక పోలీసులకు అదనంగా సరిహద్దుల్లో బలగాలను, సైనిక దళాలను మోహరించింది. స్పెయిన్ ప్రధాని స్వయంగా ప్రాంతాన్ని సందర్శించి పరిస్థితిని సమీక్షించారు. దేశ సార్వభౌమాధికారానికి భంగం కలిగించే చర్యలను ఉపేక్షించేది లేదని స్పష్టం చేశారు. మరోవైపు మొరాకో అధికారులు కూడా సరిహద్దు సమీపంలో నిఘాను తీవ్రతరం చేశారు. సరిహద్దు ఒప్పందాల ప్రకారం అర్హత లేని వారిని తిరిగి మొరాకోకు పంపించే ప్రక్రియను వేగవంతం చేశారు.

118 ఏళ్ల నాటి సరిహద్దు గోడలు బద్దలు.. ఇకపై నో పాస్‌పోర్ట్, నో వీసా!

అంతర్జాతీయ స్థాయికి చేరిన దౌత్యపరమైన వేడి

ఈ వ్యవహారం కేవలం స్పెయిన్, మొరాకోలకే పరిమితం కాకుండా మొత్తం ఐరోపా సమాఖ్యను ఉలిక్కిపడేలా చేసింది. సరిహద్దుల భద్రతపై ఐరోపా దేశాల్లో మళ్లీ చర్చ మొదలైంది. పరిస్థితిని అదుపులోకి తెచ్చేందుకు ఫ్రెంచ్, ఇటలీ వంటి పొరుగు దేశాలు కూడా నిఘాను పెంచాయి. తాత్కాలిక పునరావాస కేంద్రాల ఏర్పాటు, బాధితులకు వైద్యం, ఆహారం అందించడం వంటి మానవతా దృక్పథంతో కూడిన చర్యలు ఒకవైపు జరుగుతున్నప్పటికీ.. అసలు ఈ సంక్షోభానికి శాశ్వత పరిష్కారం ఏమిటనేది ఇప్పుడు అంతర్జాతీయ స్థాయిలో పెద్ద ప్రశ్నగా మారింది.