39 కోట్ల ఏళ్లనాటి మహా రహస్యం! గూగుల్ మ్యాప్‌కి దొరికిపోయింది

రంగంలోకి సైంటిస్టులు.. షాకింగ్ నిజాలు వెలుగులోకి!

లాపాయింట్ పంపిన ఆధారాలతో శాస్త్రవేత్తలు క్షేత్రస్థాయి పరిశోధనకు సిద్ధమయ్యారు. కెనడాలోని ఆ దట్టమైన అడవికి వెళ్లిన భూగోళ శాస్త్రవేత్తల బృందం అక్కడ లభించిన ఆధారాలను చూసి నోరెళ్లబెట్టింది. అక్కడి రాతి పొరలలో 'ష్యాటర్ కోన్స్' (ఉల్క తీవ్రమైన వేగంతో వచ్చి పడినప్పుడు ఏర్పడే ప్రత్యేకమైన శంఖాకార రాతి నమూనాలు) కనిపించాయి. అంతేకాకుండా విపరీతమైన వేడికి కరిగి మళ్లీ గడ్డకట్టిన అరుదైన రాతి అవశేషాలు కూడా దొరికాయి. పరిశోధనల అనంతరం 'ఉహాకటిక్' (Uhackatik) అని నామకరణం చేసిన ఈ గొయ్యి సుమారు 25 కిలోమీటర్ల వెడల్పు ఉండి, 39 కోట్ల ఏళ్ల నాటిదని నిర్ధారించారు.

108 దేశాల పోటీని దాటుకుని.. ఇస్రో కల వైపు ఏపీ ప్రభుత్వ పాఠశాల విద్యార్థిని

ప్రపంచంలోనే అత్యంత అరుదైన డిస్కవరీ!

భూగోళం మీద ఇలాంటి ఉల్క గుంటలు బయటపడటం అత్యంత అరుదైన విషయం. భూమి ఏర్పడినప్పటి నుంచి ఇప్పటివరకు కేవలం 200 వరకు మాత్రమే ప్రసిద్ధ ఉల్క ఆధారిత గుంతలను శాస్త్రవేత్తలు గుర్తించగలిగారు. సాధారణంగా ఏడాదికి ఒకటి లేదా రెండు మాత్రమే కొత్తగా కనుగొంటారు. అలాంటిది 25 కిలోమీటర్ల వైశాల్యం ఉన్న ఇంత పెద్ద భూభాగం ఇన్నాళ్లూ కంటికి కనిపించకుండా దాగి ఉండటం విశేషం. చందమామ, అంగారక గ్రహాలపై ఉండే గుంటలతో పోల్చి చూస్తూ భూమి పరిణామాన్ని అధ్యయనం చేయడానికి ఈ ప్రాంతం శాస్త్రవేత్తలకు ఎంతో ఉపయోగపడనుంది.

74 ఏళ్ల తర్వాత కనిపించిన విమానం. మిస్టరీ ఫ్లైట్ దొరికేసినట్లేనా?

మన కళ్ల ముందే ఇంకా ఎన్ని రహస్యాలు ఉన్నాయో?

టెక్నాలజీ ఎంత పెరిగినా భూమి తన కడుపులో దాచుకున్న రహస్యాలు ఇంకా కొల్లలుగా ఉన్నాయని ఈ ఘటన రుజువు చేస్తోంది. దట్టమైన అడవులు, మంచు పర్వతాలు, ఎడారుల కింద భూమిపై పడిన పాత జ్ఞాపకాలు ఎన్నో నిద్రాణమై ఉన్నాయి. ఒక సాధారణ పౌరుడు గూగుల్ మ్యాప్స్‌లో చూసిన ఒక చిన్న విషయం.. భూగోళ శాస్త్రంలోనే అతిపెద్ద ఆవిష్కరణకు దారితీసింది. అంటే, మన కళ్ల ముందే మనకు తెలియని ఎన్నో వింతలు ఇంకా దాగి ఉన్నాయన్నమాట!