అంతరిక్షం నుంచే ఇక నేరుగా భూమికి కరెంట్. స్పేస్ 'పవర్ బీమింగ్' అంటే ఏంటి?

రెండేళ్లలో చారిత్రాత్మక ప్రయోగం

ఈ ప్రాజెక్టు కింద ఎంపికైన కంపెనీలు ఒప్పందం కుదిరిన 12 నెలల్లోగా తమ ల్యాబొరేటరీలో దీని పనితీరును నిరూపించాల్సి ఉంటుంది. ఆ తర్వాత అది విజయవంతమైతే, తదుపరి 24 నెలల్లోగా అంతరిక్షంలోనే దీని నమూనాను (ప్రోటోటైప్) ప్రయోగాత్మకంగా పరీక్షించడానికి ప్రభుత్వం ఏర్పాట్లు చేస్తుంది. 2030 ఆర్థిక సంవత్సరం నాటికి ఈ వ్యవస్థను అందుబాటులోకి తేవాలని పెంటగాన్ భావిస్తోంది. అయితే ఈ పవర్ ప్లాంట్లను ప్రభుత్వమే సొంతంగా కొనుగోలు చేసి నడుపుతుందా లేదా ప్రైవేట్ కంపెనీల నుంచి ఒక సర్వీస్ లాగా కరెంట్ కొంటుందా అనేదానిపై ఇంకా స్పష్టత రాలేదు.

Wireless Electricity : ఇక కరెంట్ వైర్లు కనిపించవు. మన ఇళ్లకు వైర్ లెస్ పవర్

నాలుగు దశల్లో ప్రాజెక్టు

ఈ మెగా ప్రాజెక్టును మొత్తం నాలుగు విభాగాలుగా విభజించారు. మొదటి రెండు దశల్లో అంతరిక్షం నుంచి మరో అంతరిక్ష నౌకకు, అలాగే అంతరిక్షం నుంచి భూమిపై ఉన్న రిసీవర్లకు విద్యుత్‌ను బదిలీ చేయడంపై దృష్టి పెట్టారు. మిగిలిన రెండు దశలు ఆ శక్తిని స్వీకరించే రిసీవర్ల సామర్థ్యం, వాటి బరువును తగ్గించడం వంటి అంశాలకు సంబంధించినవి.

E10 Motorway: ఈ రోడ్డెక్కితే చాలు మీ వాహనాలు ఆటోమేటిక్ గా ఛార్జ్ అవుతాయి

ఈ ప్రయోగం కోసం అమెరికా కంపెనీలతో పాటు అంతర్జాతీయ సంస్థలు కూడా దరఖాస్తు చేసుకోవచ్చని అధికారులు తెలిపారు. ప్రస్తుతం ప్రైవేట్ స్టార్టప్ కంపెనీలు కూడా ఈ టెక్నాలజీపై భారీగా పెట్టుబడులు పెడుతుండటంతో, గతంలో కంటే ఇప్పుడు సమర్థవంతమైన సాంకేతికత తక్కువ సమయంలోనే అందుబాటులోకి వస్తుందని రక్షణ నిపుణులు అంచనా వేస్తున్నారు. నింగి నుంచి నేరుగా కరెంట్ పంపే ఈ ప్రయోగం గనుక సక్సెస్ అయితే రక్షణ రంగంలోనే కాకుండా భవిష్యత్ ప్రపంచ ఇంధన అవసరాల్లో ఇది ఒక పెను మార్పుకు నాంది కానుంది.