మారిన మనిషి

ఆంధ్రప్రదేశ్‌ ముఖ్యమంత్రి చంద్రబాబునాయుడు మరోసారి విదేశీ పర్యటనకు బయలుదేరారు. ముఖ్యమంత్రి విదేశీ యాత్ర పట్టువదలని విక్రమార్కుని తంతులా వుంది. 1995లో అధికారంలోకి వచ్చిన తర్వాత గత ఏడేళ్ల కాలంలో చంద్రబాబు అరడజను సార్లు విదేశాల్లో పర్యటించి వచ్చారు. మలేసియా, సింగపూర్‌, అమెరికా, జపాన్‌, చైనా, హాంకాంగ్‌, దుబాయ్‌, స్విట్జర్లాండ్‌ తదితర దేశాలను చుట్టివచ్చారు. ముఖ్యమంత్రి ఎప్పుడు విదేశీ పర్యటనకు బయలుదేరినా ఇంటా బయట ప్రచారం మోతమోగుతుంది. పబ్లిసిటీ, బ్రాండ్‌ ఇమేజ్‌ ప్రమోషన్లలో కరుడుకట్టిన ప్రొఫెషనల్‌ సంస్థలు ప్రచారం బాధ్యతను భుజానమోస్తాయి.