ఎన్‌టిఆర్‌కు వైద్యునిగా వున్న ప్రముఖ హృద్రోగ నిపుణుడు డాక్టర్‌ సోమరాజుతో కలసి ఆయన తరుచు ఎన్‌టిఆర్‌ ఇంటికివెళ్లేవారు. ఎన్‌టిఆర్‌ తన ఆరోగ్యాన్ని గురించి కుటుంబ సన్నిహితునిగా వున్న కాకర్లతో చర్చించేవారు తప్ప ఆయన స్వయంగా వైద్యం చేసిందేమీ లేదు. ఈ విషయం కాకర్ల కూడా అంగీకరిస్తున్నారు. కాకర్లను అమెరికా నుంచి రప్పించి ఎన్‌టిఆర్‌ ప్రతిష్టాత్మకమైన నిమ్స్‌ పదవిని కట్టబెట్టిన నాటినుంచి ప్రొఫెషనల్‌ వ్యవహారాల్లో మాత్రమే కాకుండా తెలుగుదేశంతో రాజకీయంగా కూడా ఆయన సన్నిహితంగా మసలడం ప్రారంభమయింది.