మార్పులతో దశ తిరుగుతుందా?

ఈ కేసులో పత్రికలు కొంత కాలం మౌనంగా ఉండడాన్ని కొందరు ప్రశ్నించారు. అమెరికాలో ఇటువంటి కేసు జరిగిఉంటే దోషులను కొన్ని గంటల్లో పట్టుకుని ఉండేవారని అభిప్రాయపడ్డారు. ఈ కేసులో ప్రమేయం ఉన్న రాజకీయ నాయకులను వీధుల్లో కాల్చివేయాలని ఒక పాఠకుడు ఆవేశంగా రాశారు. అందరూ ప్రత్యూష కుటుంబానికి సానుభూతి తెలిపారు. డాక్టర్‌ మునుస్వామిని అభినందించారు. ప్రత్యూషని రేప్‌ చేసి హత్య గావించారని డాక్టర్‌ మునుస్వామి పోస్టుమార్టం నివేదికను బహిర్గతం చేసినప్పుడే ఏ న్యాయవాది అయినా హైకోర్టులో ప్రజా ప్రయోజన వ్యాజ్యం వేసి ఉంటే పరిస్ధితి ఇలా ఉండేది కాదని ఒకరు అభిప్రాయపడ్డారు.