• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

విలక్షణ నటుడు కిషోర్ దాస్

By Staff
|

Kishore Kumar Das
అది టాటా ఇండికాం హోర్డింగ్. అందులో జ్యోతిషుడిగా ఒక వ్యక్తి కనిపించాడు. ఖైరతాబాద్ బ్రిడ్జి వద్ద పెట్టిన ఆ హోర్డింగ్ చూసిన కొందరు చెప్పులు విప్పేసి దండం పెట్టుకోవడం, మరి కొందరు ఆయనతో జాతకం చెప్పించుకోవాలని సదరు యాడ్ ఏజెన్సీకి ఫోన్లు చేయడం జరిగాయి. నిజానికతను జ్యోతిష పండితుడు కాడు. పబ్ లకు డిస్కోలకు వెళ్ళే ఆధునికుడు. ఆ పాత్ర అతనికి అలా సరిపోయిందంతే. ఆ నటుడే కిషోర్ కుమార్ దాస్.

మాటీవీలో రాత్రి పూట సరసమైన కార్యక్రమానికి వ్యాఖ్యాతగా వ్యవహరించి మంచి పేరు తెచ్చుకున్నాడు. ఇప్పుడు ఈటీవీలో వంటల ప్రత్యేక కార్యక్రమంలో ఆహాలో నటించి ఓహో అనిపించుకుంటున్నాడు. ఇటీవల ఎన్నికల సందర్భంగా టీవీ9 లో ప్రసారమైన 'ఎవడిగోల వారిది' కార్యక్రమంలో పోషించిన ప్రధాన పాత్ర పెద్ద హైలైట్ అయింది. ఒకరోజు ఆ కార్యక్రమాన్ని ఒక ఆంటీ నిర్వహించింది. ఫ్యామిలీ టైపులో ఉన్న ఆమెను పరిచయం చేసుకోడానికి ప్రేక్షకులు ఫోన్లు చేసి ఎంక్వయిరీలు చేశారట. ఆ ఆంటీ కూడా కిషోర్ దాసే.

ఇన్ని వైవిధ్యమైన వేషాలతో ప్రేక్షకులను మంత్రముగ్దులను చేస్తున్న దాస్ కు ఇప్పుడిప్పుడే సినిమా పాత్రలు వస్తున్నాయి. తెలుగు సాహిత్యాన్ని చదువుకుని ఉండడంతో పాత్ర స్వభావాన్ని అర్ధం చేసుకుని దానికి తగిన హావభావాలు ప్రదర్శిస్తుండం ఇతని ప్రత్యేకత. సినిమా వేడెక్కిన స్ధితిలో చల్లార్చడానికి నవ్వులు పండించడానికి దాస్ వంటి నటులు అవసరమవుతారు. బాపూ గనుక ఇప్పుడు సినిమాలు తీస్తూ ఉంటే దాస్ కోసం ఆయన ఒక ప్రత్యేక పాత్రను సృష్టించేవారు.

పాతికేళ్ళ క్రితం ఈనాడు విశాఖపట్నం ఎడిషన్ లో జర్నలిస్టుగా జీవితం ప్రారంభించిన దాస్ ఆ తర్వాత ఆంధ్రజ్యోతిలో పనిచేశారు. ఆయనలో ఉన్న నటుడు ఒక చోట ఉండనివ్వలేదు. అనేక మజిలీల తర్వాత ఇప్పుడాయన ఫుల్ టైమ్ నటుడిగా స్ధిరపడాలనుకుంటున్నారు. సమయస్ఫూర్తి, సందర్భోచిత హాస్యం, తెలుగుపదప్రయోగాల్లో నైపుణ్యం ఈయన ప్లస్ పాయింట్లు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X