అసలు హీరో విజువల్ ఎఫెక్ట్సే
ఖర్చు మాట అటుంచితే దర్శకుడి మదిలో మెదిలో విజువల్ భారీ సెట్టింగ్సు కన్నా విజువల్ ఎఫెక్ట్స్ ద్వారానే రావటం కూడా మరో ముఖ్య కారణం. చిత్రాల్లో గ్రాఫిక్సు అంతకుముందు ఉపయోగించినప్పటికీ దేవి చిత్రంతో పరిశ్రమ దృష్టి పడింది. ఇటీవల వస్తున్న చిత్రాల్లో విజువల్ ఎఫెక్ట్స్ ఉపయోగించని చిత్రాలు వేళ్లమీదే లెక్కించవచ్చు. అనుష్క ప్రముఖ కథానాయికగా వచ్చిన అరుంధతి, రాంచరణ్ తేజ కథానాయకుడిగా వచ్చిన మగధీర చిత్రంలో విజువల్ ఎఫెక్ట్స్ ప్రేక్షకులను ఎంతగా అలరించాయో తెలిసిందే.
శతదినోత్సవం దిశగా పరుగెడుతున్న సూపర్ స్టార్ రజనీకాంత్ చిత్రం రోబో పూర్తి కంప్యూటరైజ్డ్ చిత్రం. ఇది అందరినీ ఎంతగానో అకట్టకున్నది. అయితే వీటిలో ఎఫెక్ట్స్ స్పష్టంగానే కనిపిస్తున్నాయి. సునీల్ కథానాయకుడిగా పూర్తి గ్రామీణ నేపథ్యంలో ఇటీవల విడుదలైన మర్యాద రామన్న చిత్రంలో విజువల్ ఎఫెక్ట్స్ ను ఎవరూ గుర్తు పట్టలేరు. అందులోని కొన్ని సన్నివేశాలలో విజువల్ ఎఫెక్ట్స్ ను ఉపయోగించారు. ఆరెంజ్ చిత్రం కూడా విజువల్స్ తో ప్రేక్షకులను అలరించింది.