మీకు సెంచురీ కొట్టాలని ఉందా..
మంచి అలవాట్లు.. జాగ్రత్తలు నూరేళ్ల జీవితాన్ని ప్రసాదిస్తాయని వారు స్పష్టం చేస్తున్నారు.
నిరాశా వాదులతో పోలిస్తే ఆశావాదులు 12 సంవత్సరాలు అధికంగా బతుకుతారట. నిరాశావాదులు ఆరోగ్యం పట్ల ఆశ్రద్ధ వహిస్తారట. అందుకే వారు త్వరగా రోగాల భారిన పడతారట.. సో మీరు ఆశావాదులో..? నిరాశావాదులో..? తేల్చుకోండి. ఆరోగ్యానికి చేటు కలిగించే వ్యసనాలకు దూరంగా ఉంటే సంపూర్ణ ఆరోగ్యం మన చెంతే ఉంటుదట.
రాత్రిపూట ఆలస్యంగా భోజనం చేయటం, అర్థరాత్రి వరకు మేల్కొని ఉండటం జీవ ప్రక్రియకు మంచిది కాదు. సాధారణంగా అర్థరాత్రి మంచి నిద్రలో ఉన్నప్పుడు మన శరీరంలో కణాల పునరుత్పత్తి ప్రక్రియ జరుగుతుంది. రాత్రి 8 గంటల లోపు భోజనం చేసి 10 గంటల కల్లా నిద్రపోయే వారికి కణాల పునరుత్పత్తి పుష్కలంగా జరుగుతుంది. ఈ విషయాన్ని ముఖ్యంగా యూత్ దృష్టిలో ఉంచుకోవాలి.
మీకో ఆశ్చర్యకరమైన విషయం తెలుసా..? ఆరోగ్యకరమైన దంతాలు ఉన్నావారు ఆరు సంవత్సరాలు ఆయుష్షు అదనంగా పొందుతారట.. ఇది వైద్యుల మాట. కడుపుబ్బా నవ్వటం వ్యాయమంతో సమానమంటున్నారు సైకాలజిస్టులు. మనసునూ, శరీరాన్ని ఆరోగ్యంగా ఉంచడంలో నవ్వు కీలక పాత్ర పోషిస్తుందట. అంతే కాదు మన చిరునవ్వు మన భావాన్ని చెబుతుందట.
ఇక దంపతులు వారానికి రెండు సార్లైనా రతి చర్యలో పాల్గొంటే రోగ నిరోధక శక్తి అధికంగా ఉంటుంది. అంతే కాదండోయ్..! శృంగారాన్ని పరిపూర్ణంగా ఆస్వాదించే వారికి వయస్సు పై బడుతున్న 7 సంవత్సరాలు తక్కువుగా అనిపిస్తుందట. అంటే చూడండి సెక్స్ చేస్తే ఎంత ఉత్సాహం వస్తుందో.