వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

మళ్లీ అల్లు అరవింద్ హవా

By Pratap
|
Google Oneindia TeluguNews

Allu Aravind
మెగాస్టార్ చిరంజీవి నేతృత్వంలోని ప్రజారాజ్యం పార్టీలో మళ్లీ ఆయన బావమరిది, సినీ నిర్మాత అల్లు అరవింద్ హవా మళ్లీ ప్రారంభం కానుంది. శాసనసభ, లోకసభ జమిలి ఎన్నికల్లో పార్టీ ఘోరంగా వైఫల్యం చెందడంతో అల్లు అరవింద్ పై తీవ్రమైన ఆరోపణలు, విమర్శలు వచ్చాయి. అల్లు అరవింద్ వైఖరి వల్లనే పార్టీ ఓటమి పాలైందని దమ్మెత్తిపోశారు. చిరంజీవిని ఏమీ అనకుండా అల్లు అరవింద్ పై విమర్శలు సంధిస్తూ చాలా మంది నాయకులు పార్టీని వదిలిపెట్టిపోయారు. ఈ నేపథ్యంలో అల్లు అరవింద్ పార్టీ కార్యకలాపాలను తగ్గించుకున్నారు. సినిమాలపై తిరిగి దృష్టి పెట్టారు.

మళ్లీ ఆయన ప్రజారాజ్యం పార్టీలో కీలక పాత్ర పోషించడానికి ముందుకు వచ్చారు. ఆయన ప్రజారాజ్యం పార్టీ ప్రధాన కార్యదర్సిగా నియమితులయ్యారు. తద్వారా పార్టీలో సర్వాధికారాలు ఆయనకే ఉంటాయి. అల్లు అరవింద్ ను ఇష్టపడని నాయకులంతా దాదాపుగా పార్టీ నుంచి బయటకు వెళ్లిపోయారు. ఇప్పుడు పార్టీలో అల్లు అరవింద్ మాటే అందరి మాటగా చెలామణి అయ్యే అవకాశం ఉంది. తాను ప్రజారాజ్యం పార్టీలో తిరిగి క్రియాశీలక పాత్ర పోషించనున్నట్లు చాలా రోజుల క్రితమే అల్లు అరవింద్ చెప్పారు.

ప్రజారాజ్యం పార్టీ కాంగ్రెసుకు దగ్గర కావడంలో అల్లు అరవింద్ పాత్ర ఉందని అంటున్నారు. ఆ వైఖరి వల్లనే ప్రజారాజ్యం పార్టీ కాంగ్రెసు, తెలుగుదేశం పార్టీలకు ప్రత్యామ్నాయంగా ఎదగలేకపోయిందని అభిప్రాయం ఉంది. అలా ఎదగాల్సిన అవసరం పార్టీకి లేదని కూడా అల్లు అరవింద్ భావించి ఉంటారని అంటారు. తెలుగుదేశం పార్టీని దెబ్బ తీసి, కాంగ్రెసుకు లాభం చేకూరే విధంగా పార్టీని తయారు చేసి పెట్టారనే విమర్శ కూడా ఉంది.

ప్రధాన కార్యదర్శిగా అల్లు అరవింద్ ప్రజారాజ్యం పార్టీని కచ్చితంగా కాంగ్రెసు వైపు నడిపిస్తారనేది కచ్చితమైన అభిప్రాయంగానే వ్యక్తమవుతోంది. అందువల్ల భవిష్యత్తులో ప్రజారాజ్యం కాంగ్రెసులో విలీనమైనా ఆశ్చర్యం లేదనే మాట వినిపిస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X