• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్ పార్టీలోకి జిట్టా బాలకృష్ణా రెడ్డి?

By Pratap
|

Jitta Balakrishna Reddy
హైదరాబాద్: యువ తెలంగాణ జెఎసి చైర్మన్ జిట్టా బాలకృష్ణా రెడ్డి వైయస్ జగన్ నాయకత్వంలోని వైయస్సార్ కాంగ్రెసు పార్టీ వైపు చూస్తున్నట్లు సమాచారం. తెలంగాణ రాష్ట్ర సమితి (తెరాస) నుంచి బయటకు వచ్చిన తర్వాత ఆయన కాంగ్రెసు పార్టీలో చేరారు. వైయస్ రాజశేఖర రెడ్డి ప్రోత్సాహంతోనే ఆయన కాంగ్రెసు పార్టీలో చేరారు. వైయస్ రాజశేఖర రెడ్డి మరణించిన తర్వాత జిట్టా కాంగ్రెసు పా్టీకి రాజీనామా చేశారు.

గత ఎన్నికల్లో ఆయన నల్లగొండ జిల్లా భువనగిరి శాసనసభా నియోజకవర్గం నుంచి స్వతంత్ర అభ్యర్థిగా పోటీ చేశారు. నిజానికి, తెరాస అధ్యక్షుడు కెసిఆర్ ఆయనకు భువనగిరి సీటు ఇస్తానని హామీ ఇచ్చారు. అయితే, పొత్తు కారణంగా ఆ సీటు తెలుగుదేశం ఖాతాలోకి వెళ్లిపోయింది. మాజీ మంత్రి ఉమా మాధవరెడ్డి భువనగిరి నుంచి పోటీ చేశారు. దాంతో ఆయన కెసిఆర్‌పై తిరుగుబాటు చేసి స్వతంత్ర అభ్యర్థిగా పోటీ చేశారు.

జిట్టా బాలకృష్ణా రెడ్డి మొదటి నుంచి తెలంగాణవాది. కెసిఆర్‌తో ఆయనకు సన్నిహిత సంబంధాలు ఉండేవి. హైదరాబాదులోని నిజాం కళాశాల మైదానంలో ఏర్పాటైన తెలంగాణ సాంస్కృతిక మేళాలో జిట్టా బాలకృష్ణా రెడ్డిది ప్రధాన పాత్ర అంటారు. వచ్చే ఎన్నికల్లో భువనగిరి శాసనసభా స్థానం కేటాయిస్తామని వైయస్సార్ కాంగ్రెసు పార్టీ ఆయనకు హామీ ఇచ్చినట్లు సమాచారం.

కాగా, తెరాసలో కీలక పాత్ర పోషించిన కెకె మహేందర్ రెడ్డి, కొమ్మూరి ప్రతాప రెడ్డి ఇప్పటికే వైయస్సార్ కాంగ్రెసు పార్టీలో చేరిపోయారు. కరీంనగర్ జిల్లా సిరిసిల్ల సీటును ఆశించి భంగపడిన కెకె మహేందర్ రెడ్డి తెరాసకు గుడ్‌బై చెప్పి వైయస్సార్ కాంగ్రెసు పార్టీలోకి వచ్చారు. వరంగల్ జిల్లా జనగాం నుంచి మంత్రి పొన్నాల లక్ష్మయ్య చేతిలో స్వల్ప ఓట్ల మెజారిటీతో గత ఎన్నికల్లో ప్రతాప రెడ్డి ఓడిపోయారు. ఏమైనా, తెలంగాణలోని ఓ వర్గం వైయస్ జగన్ వైపు చూస్తున్న సూచనలు కనిపిస్తున్నాయి.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
It is said that Telangana Yuva JAC Jitta Balakrishna Reddy may join in YS Jagan's YSR Congress party. Jitta Balakrishna Reddy opposing K Chandrasekhar Rao resigned to TRS and came into Congress.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more