వేగవంతమైన అలర్ట్స్ కోసం
For Daily Alerts
భజ్జీ బల్లే బల్లే: పాటలైనా పాడు బ్రదర్...
హర్భజన్ సింగ్ ఇంతకు ముదు ఓ పంజాబీ పాట పాడిన విషయం తెలిసిందే. తాజాగా మరో పాట పాడి తన కళాప్రదర్శనకు పూనుకున్నాడు. మేరీ మా అంటూ తల్లి గొప్పదనంపై పాట పాడాడు. ఈ వీడియో ఇప్పుడు యూ ట్యూబ్లో హంగామా చేస్తోంది.
క్రికెట్ తర్వాత తాను అమితంగా ప్రేమించేది సంగీతాన్నే అని, మెల్లగా ఈ రంగంలోనూ ప్రావీణ్యం సంపాదించాలని అనుకుంటున్నానని ఆయన అన్నాడు. హర్భజన్ సింగ్ తిరిగి జాతీయ జట్టులోకి వస్తానని ఇటీవలే ప్రకటించాడు. అందుకు తాను చెమటోడుస్తున్నట్లు కూడా చెప్పాడు.
మరో ఐదేళ్ల పాటు క్రికెట్ ఆడే సత్తా తనలో ఉందని చెప్పుకున్నాడు. తిరిగి జట్టులోకి రావడానికి తీవ్రంగా శ్రమిస్తున్నానని చెప్పాడు. ఐపియల్ ముంబై జట్టు తరఫున ఆడి రాణించినట్లు ఆయన తెలిపాడు. తాజా పరిణామాలను చూస్తుంటే, హర్భజన్ సింగ్ సంగీతానికే పరిమితమై అక్కడ తన ప్రతిభను చాటుకుంటే మంచిదేమోనని అనిపిస్తోంది.
Comments
English summary
Indian cricketer Harbhajan Singh has played a song in Punjabi praising mother.
Story first published: Saturday, July 20, 2013, 12:31 [IST]