ఒబామాను వెయిటర్ అనుకొని కాఫీ తెమ్మన్నారు, మిచెల్లీకి..!

వాషింగ్టన్: అమెరికా అధ్యక్షులు బరాక్ ఒబామా, ఆయన సతీమణి, అమెరికా ఫస్ట్ లేడీ మిచెల్లీ ఒబామాలు కూడా ఓ సమయంలో జాతి వివక్షను ఎదుర్కొన్న వారేనట. ఈ విషయాన్ని వారే ఓ ఇంటర్వ్యూలో చెప్పారు. తద్వారా నల్లజాతీయుల వెతలను బరాక్ ఒబామా తెరపైకి తెచ్చారు.

నల్లజాతి వారికి చేదు అనుభవాలు తప్పువు అనడానికి తానే ఉదాహరణ అన్నారు. భార్య మిషెల్‌తో కలిసి ఓ పత్రికకు ఇచ్చిన ఇంటర్వ్యూలో ఆయన పలు విషయాలు చెప్పారు. గతంలో ఓసారి తనను వెయిటర్‌గా కొందరు పొరబడ్డారని తెలిపారు.

నల్లజాతి వ్యక్తిని కావడంతోనే వారు అలా భావించారన్నారు. ఓ పార్టీలో బరాక్ ఒబామాకు ఈ అనుభవం ఎదురైందని మిచెల్లీ పేర్కొంది. వారు ఒబామాను కాఫీ తెమ్మని పురమాయించారని చెప్పారు.

తనకూ అలాంటి అనుభవమే ఎదురైందన్నారు. ఓసారి షాపింగ్‌కు వెళితే షాపులో ఓ మహిళ ఏదో వస్తువు తీసుకురమ్మని చెప్పిందని గుర్తు చేసుకున్నారు. తనను షాప్‌లో వాలెట్ అనుకున్నారని పేర్కొన్నారు. వారు పీపుల్స్ మేగజైన్‌తో మాట్లాడారు.

English summary

President Barack Obama and First Lady Michelle Obama say they have been mistaken for valet and wait staff on their journey to the White House despite the progress America has seen in race relations.