స్నానం చేస్తోన్న మహిళను రహస్యంగా వీడియో చిత్రీకరిస్తూ దొరికిన టీచర్
చెన్నై :చేసేది గౌరవ ప్రదమైన ఉపాధ్యాయ వృత్తి. కాని, ఈ వృత్తిలో ఉండి తప్పుడు పనులు చేస్తున్న టీచర్ కు కోర్టు మూడేళ్ళ శిక్ష విధించింది. మహిళల పట్ల అసభ్యంగా ప్రవర్తించిన టీచర్ కు కోర్టు విధించిన తీర్పు పట్ల స్థానికులు హర్షం వ్యక్తం చేస్తున్నారు.
తమిళనాడు రాష్ట్రంలోని నాగపట్టణం జిల్లా కుత్తాళానికి చెందిన బాలమురుగన్ ప్రైవేట్ స్కూల్ లో డ్రాయింగ్ టీచర్ గా పనిచేస్తున్నాడు. పుట్టుకతోనే వికలాంగుడు బాలమురుగన్. స్కూల్ వేళలు ముగిసిన తర్వాత ఇంటి వద్దనే చిన్న దుకాణాన్ని నడుపుతున్నాడు.
ఈ దుకాణానికి వచ్చే మహిళల పట్ల బాలమురుగన్ వెకిలిగా ప్రవర్తించేవాడని స్థానికులు చెబుతున్నారు.35 ఏళ్ళ ఓ మహిళ ఈ దుకాణానికి వస్తే చాలు అశ్లీల మాటలు, చేష్టలతో బాలమురుగన్ వేధించేవాడు.
2015 ఏప్రిల్ 3వ, తేదిన ఆ మహిళన ఇంటి వెనుక ఉన్న పాకలో స్నానం చేస్తుండగా, తాటాకుల మద్యలో మొబైల్ ఫోన్ నుు ఉండడాన్ని గుర్తించింది. ఈ విషయాన్ని భర్తకు చెప్పింది. ఆ దంపతులు పెరంబూరు పోలీస్ స్టేషన్ లో పిర్యాదు చేశారు. విచారణ జరిపిన పోలీసులు బాలమురుగన్ ను నిందితుడిగా తేల్చారు.ఈ కేసును విచారించిన కోర్టు మూడేళ్ళ జైలు శిక్షతో పాటు 5 వేల రూపాయాల జరిమానాను విధించింది.