లిఫ్ట్లోనే మూత్రం పోసిన యువతి, కెమెరాకు చిక్కింది
హాంగ్కాంగ్: ఓ మహిళ లిఫ్ట్లోనే మూత్రం పోసి దొరికిపోయింది. అది కూడా ఓ వ్యక్తి ముందు లిఫ్ట్లోనే యూరిన్ చేసింది. ఈ సంఘటన హాంగ్కాంగ్లోని ఓ షాపింగ్ కాంప్లెక్స్లో జరిగింది. ఎంపీఎం మాల్ పేరుతో ఉన్న షాపింగ్ కాంప్లెక్స్లో ఆమె ఈ పని చేసింది.
ముందుగా ఆమె నిర్ణయించుకొని మరీ పూర్తి చేసింది. ఆమె వెంట ఉన్న వ్యక్తి ఆమె బ్యాగ్లో మోస్తూ కనిపించాడు. అయితే, లిఫ్టులో కెమెరాలు ఉన్నాయనే విషయాన్ని ఆమె గుర్తించలేదు. ఆమె చేసిన పని కెమెరాలకు చిక్కింది.
ఆ తర్వాత లిఫ్ట్ కిందకు రాగానే, యువతి, వ్యక్తి ఇద్దరూ లిఫ్ట్ నుంచి బయటకు వెళ్లిపోయారు. అయితే, లిఫ్టులో ఆ పని చేసింది ఎవరనే విషయాన్ని ఇంకా గుర్తించలేదు. ఆ యువతిని గుర్తించవలసి ఉంది. ఇందుకు సంబంధించిన వీడియో ఇంటర్నెట్లో హల్చల్ చేస్తోంది.
ఈ వీడియోను వేలాది, లక్షలాది మంది చూస్తున్నారు. షాపింగ్ కాంప్లెక్సులలో టాయిలెట్లు ఉంటాయి. కానీ ఈమె లిఫ్టును ఉపయోగించుకుంది. ఈ షాపింగ్ కాంప్లెక్స్ మోంక్ కోక్లో ఉంది. బుధవారం నాడు మధ్యాహ్నం మూడు గంటల సమయంలో ఆమె లిఫ్టులో తన పని కానిచ్చింది.