హనీప్రీత్పై బెంగ, జీవనశైలి: ఆరు కిలోలు తగ్గిన డేరా బాబా
అత్యాచారం కేసులో జైల్లో ఉన్న గుర్మీత్ రామ్ రహీం సింగ్ దాదాపు ఆరు కేజీలు తగ్గారు. మారిన జీవన శైలి, తన దత్తపుత్రిక హనీప్రీత్ గురించి బెంగ తదితర కారణాలతో ఆయన బరువు తగ్గారని అంటున్నారు.
చండీగఢ్: అత్యాచారం కేసులో జైల్లో ఉన్న గుర్మీత్ రామ్ రహీం సింగ్ దాదాపు ఆరు కేజీలు తగ్గారు. మారిన జీవన శైలి, తన దత్తపుత్రిక హనీప్రీత్ గురించి బెంగ తదితర కారణాలతో ఆయన బరువు తగ్గారని అంటున్నారు.
గుర్మీత్ నాకు తండ్రి, అన్నీ చెప్పేస్తా: కోర్టులో ఏడ్చేసిన హనీప్రీత్
నిన్నటి దాకా విలాసవంతం
ఆగస్టు 24వ తేదీ వరకు గుర్మీత్ రామ్ రహీం సింగ్ విలాసవంతంగా గడిపారు. పంచకుల కోర్టు తీర్పు నేపథ్యంలో ఆయన జైలు జీవితాన్ని అనుభవిస్తున్నాడు. సునరియ జైల్లో ఉన్న ఆయన 6 కేజీలు తగ్గాడు.
నచ్చిన ఆహారం తినేవాడు
నచ్చిన ఆహారాన్ని తినే అలవాటు ఉన్న డేరా బాబా, ఇప్పుడు జైల్లో ఇచ్చే ఆహారం ఆయనకు నచ్చడం లేదని తెలుస్తోంది. ఆయన జైలులో ప్రవేశించినప్పుడు 90 కిలోలు ఉన్నాడు. ఇప్పుడు 84 కేజీలు తగ్గాడు.
హనీప్రీత్ దూరం, ఎనర్జీ డ్రింకులు లేక
బాబా బరువు తగ్గడంపై వివిధ రకాల ప్రచారం సాగుతోంది. ఆయన తన దత్తపుత్రిక హనీప్రీత్కు దూరమయ్యాడని, విలాసాలు, ఎనర్జీ డ్రింకులు కూడా పటాపంచలయ్యాయని, అందుకే ఈ విధంగా జరిగిందని అంటున్నారు.
జైలు నీరు తాగక తప్పడం లేదు
విదేశాల నుంచి ప్యాకేజ్డ్ డ్రింగింగ్ వాటర్ తెప్పించుకునే అలవాటు ఉన్న బాబాకు జైలు నీరు తాగక తప్పడం లేదని అంటున్నారు. ప్రధానంగా జీవన శైలి మారటం వల్ల ఆయన బరువు తగ్గిందని చెబుతున్నారు.