వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

కన్నుమూసింది శశి కపూర్... ప్రగాఢ సంతాపమేమో శశి థరూర్‌కి! చిన్న పొరపాటుతో...

By Ramesh Babu
|
Google Oneindia TeluguNews

న్యూఢిల్లీ: 'ఎంకి పెళ్లి సుబ్బి చావుకు వచ్చింద'నే సామెత తెలిసిందే. పాపం.. ఇప్పుడు కాంగ్రెస్ ఎంపీ శశి థరూర్ పరిస్థితి కూడా ఇలాగే తయారైంది. అలనాటి బాలీవుడ్ నటుడు
శశి కపూర్ కన్ను మూసిన సంగతి తెలిసిందే.

అయితే ఆయన అభిమానులు శశికపూర్‌కు నివాళులు అర్పించాల్సిందిపోయి.. శశి థరూర్ కు అర్పిస్తున్నారట. దీనంతటికీ కారణం.. ఓ అంగ్లమీడియా ఛానెల్ కథనం. శశి కపూర్ మరణిస్తే.. ఆ ఆంగ్ల మీడియా తన కథనంలో పొరపాటున శశిథరూర్ మరణించినట్లుగా రాసిందట.

Shashi Kapoor is dead, I am alive: Shashi Tharoor clears death rumours

ఇంకేముంది, తెల్లారేసరికి శశిథరూర్ కార్యాలయానికి ప్రగాఢ సంతాపం తెలుపుతూ ఫోన్లు మొదలయ్యాయి. దీంతో పాపం కార్యాలయ సిబ్బంది కూడా కంగారుపడిపోయారు. ఈ విషయాన్ని శశి థరూర్ స్వయంగా ట్విట్టర్ ద్వారా వెల్లడించారు.

'ఉదయం నుంచి నా కార్యాలయానికి ఫోన్లు చేస్తున్నారు. నేను చనిపోయానని వార్తలు వస్తున్నాయి. కానీ నాకు ఎలాంటి బాధ లేదు. కనీసం ఇంతటి బాధాకర సమయంలోనైనా నవ్వు తెప్పించినందుకు సంతోషంగా ఉంది..' అని థరూర్‌ తన ట్వీట్‌లో పేర్కొన్నారు.

అనంతరం శశి కపూర్‌కు ఆయన నివాళులు అర్పిస్తూ.. 'నాలోని ఓ భాగం కోల్పోయినట్లుగా ఉంది. గొప్ప నటుడు, అందగాడు, కాస్మోపాలిటన్‌. ఆయన పేరు నా పేరు ఒకేలా ఉండడంతో కన్‌ఫ్యూజ్‌ అవుతుంటారు. శశి కపూర్‌ని నేను కూడా మిస్సవుతున్నాను..' అని పేర్కొన్నారు.

నిజానికి శశి థరూర్‌ ఆదివారం కేరళలో పర్యటించి ఢిల్లీ చేరుకున్నారు. కేరళలో ఓఖి తుపాను తీవ్రత ఎక్కువగా ఉండడంతో థరూర్‌ దగ్గు, జలుబుతో బాధపడుతున్నారు. సోమవారం ఉదయం థరూర్‌ గురించి ఆరాతీయడానికి చాలా మంది ఫోన్లు చేశారు.

అసలే థరూర్ కాస్త నలతగా కనిపించడం, దానికి తోడు ఆయనకు సంతాపం ప్రకటిస్తూ ఫోన్ కాల్స్ వెల్లువెత్తడంతో ఆయన కార్యాలయ సిబ్బంది ఉక్కిరిబిక్కిరయ్యారు. ఆ తర్వాత ఓ మీడియా ఛానెల్‌ చేసిన పొరపాటుతో ఈ ఫోన్‌ కాల్స్‌ వచ్చాయని తెలిసి వారు వూపిరి పీల్చుకున్నారు.

English summary
Shashi Kapoor, who was suffering from a prolonged illness, passed away at the age of 79. But, it brought a lot of problems for Congress MP Shashi Tharoor as both the personalities have similar names (well, kind of). Shashi Tharoor, the Congress MP, himself tweeted about the loss of the great actor, Shashi Kapoor. But, the problem started when a leading media house tweeted that Tharoor has passed away. Amid the trolling and bashing, the problem grew so much that Tharoor's office started getting condolence calls too.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X