మంచి ముహూర్తాలు ఎప్పుడు ఉన్నాయి ? పురోహితులు ఏం చెప్తున్నారు ..?
జూన్ 28 వ తేదీ వరకు అనేక శుభకార్యాలకు,పెళ్లిళ్ల సీజన్ నడిచింది. ఒకే ఒక్క రోజు వందల సంఖ్యలో పెళ్లిళ్లు జరిగాయి. జూన్ 29 నుండి ముహుర్తాలు లేవు .జులై 2 వ తేదీ అమావాస్య అవుతుంది.అమావాస్యకు ఐదు రోజుల ముందు నుండి ఏ ముహుర్తాలకు అనుకూలం కాదు.
జులై 3 తేదీ నుండి ఆషాఢమాసం ప్రారంభం అవుతుంది.
జులై 9 తేదీ నుండి శుక్ర మౌడ్యమి ప్రారంభం అయ్యి తేదీ 19 సెప్టెంబర్ 2019 వరకు శుక్ర మౌడ్యమి ఉంటుంది.
మూఢమి ప్రవేశంతో పెళ్లిళ్లు, గృహ ప్రవేశాలు, ఇతర శుభకార్యాలు దాదాపు మూడు నెలలపాటు ఉండవు .
ఏటా వివాహాది శుభకార్యాలకు శ్రావణ మాసంలో ముహూర్తాలు ఉండేవి.
జూలై ఆషాఢ మాసం కావడంతో శూన్యమాసం అయ్యింది.
ఆ కారణం చేత శాస్త్రీయ ప్రమాణాలను దృష్టిలో పెట్టుకుని శుభకార్యాలు జరగబోవు .
ఈ ఏడాది శ్రావణ మాసంలో కూడా మూఢమి వచ్చింది. సెప్టెంబర్ భాద్రపద మాసం కావడంతో శూన్యమాసమయ్యింది.మూడు నెలలు శుభకార్యాలకు ఆటంకం ఏర్పడింది.సెప్టెంబర్ 30 నుండి ముహూర్తాలు మొదలవుతాయి.