నిరుద్యోగుల సాయంతో గోడౌన్లు

హైదరాబాద్‌: రాష్ట్రంలో రైతులు ధాన్యం నిల్వకు తగిన వసతిలేకపోవడంతో తమ ధాన్యాన్ని ఎదో ఒక ధరకు తెగనమ్ముకోవల్సిన పరిస్థితి తలెత్తినదని రాష్ట్ర ప్రభుత్వం అంటున్నది. ఈ పరిస్థితినుంచి రైతాంగాన్ని గట్టెక్కించడానికి వీలుగా ప్రభుత్వం 10 లక్షల టన్నుల నిల్వ సామర్ధ్యం గల అదనపు గోడౌన్ల నిర్మాణానికి నడుం కట్టింది.

కేంద్ర ప్రభుత్వ సాయంతో ఈ గౌడన్ల నిర్మాణం చేపట్టునున్నట్టుగా ప్రభుత్వం వెల్లడించింది. ఈ గోడౌన్ల నిర్మాణానికి రాష్ట్రంలోని నిరుద్యోగ యువకులను ఉపయోగించుకుంటారు.
బ్యాంకులు ఆర్ధిక సంస్థల సాయంతో గోడౌన్ల నిర్మాణాన్ని నిరుద్యోగ యువకులు చేపడితే వారి నెలకు ఎస్‌ఎఫ్‌టికి 1.75 రూపాయల అద్దెను చెల్లించి ఏడేళ్లవరకు ఎఫ్‌సిఐ లీజుకు తీసుకుంటుందని ప్రభుత్వం వెల్లడించింది.