సచివాలయంలోడెటనేటర్‌ పేలుడు

హైదరాబాద్‌: హైదరాబాద్‌లోని రాష్ట్ర సచివాలయంలో సోమవారం మధ్యాహ్నం డెటనేటర్‌ పేలింది. ఈ సంఘటన సచివాలయంలో తీవ్ర సంచలనానికి కారణమైంది.

సచివాలయం ఆవరణలో నూతనంగా నిర్మించిన భవనం వద్ద వాడకుండా వదిలేసిన డెటనేటర్‌ పేలింది. ఈ సంఘటనపై సమగ్ర దర్యాప్తు జరిపించాలని ముఖ్యమంత్రి నారా చంద్రబాబునాయుడు పోలీసు ఉన్నతాధికారులను ఆదేశించారు. సంఘటనా స్థలాన్ని హోంమంత్రి టి. దేవేందర్‌ గౌడ్‌ సందర్శించారు. దీనికి కారణమైన వారిపై కేసు నమోదు చేయనున్నట్లు ఆయన విలేకరులతో చెప్పారు.