విమర్శలపై సర్కారు అసహనం

న్యూఢిల్లీ: తప్పు జరిగినప్పుడు తప్పు జరిగిందని ఎత్తిచూపినా ప్రభుత్వం భరించలేకపోతున్నదని కాంగ్రెస్‌ ఆదివారం నాడు ఎన్‌డిఎ ప్రభుత్వాన్ని తీవ్రంగా విమర్శించింది. దోషులను వెనకేసుకు రావడం తమ బాధ్యత కాదని ఆ పార్టీ అధికార ప్రతినిధి అనిల్‌ శాస్త్రి పేర్కొన్నారు.

నిర్మాణాత్మక సూచనలను కూడా ప్రభుత్వంభరించలేకపోతున్నదని ఆయన చెప్పారు. తహల్కా వ్యవహారంలో తమ అవినీతి నగ్నంగా బయటపడటంతో ప్రభుత్వనేతలు భరించలేకపోతున్నారని అందువల్ల కాంగ్రెస్‌ పై విరుచుకుపడుతున్నారని ఆయన అన్నారు.