రోడ్డు ప్రమాదంలో 13 మంది మృతి

అనంతపురం: అనంతపురం జిల్లాలో శుక్రవారం నాడు జరిగిన రోడ్డు ప్రమాదంలో 13 మంది వ్యక్తులు అక్కడికక్కడే మరణించారు. మరో 30 మంది తీవ్రంగా గాయపడ్డారు. తాడిపత్రి మండల కేంద్రంలో కూలీలతో వెళ్లుతున్న లారీ బోల్తా పడటంతో ఈ ప్రమాదం జరిగిందని అధికారులు చెప్పారు. ప్రమాదానికి సంబంధించిన పూర్తి వివరాలు ఇంకా అందాల్సివుంది. మృతులంతా తాడిపత్రి ప్రాంతానికి చెందిన కూలీలని తెలిసింది.