రోడ్డు ప్రమాదంలో ముగ్గురు మృతి

గుంటూరు: గుంటూరు జిల్లామంగళగిరిలో మంగళవారం నాడు జరిగిన ఆటో ప్రమాదంలో ముగ్గరు వ్యక్తులు మరణించారు. ప్రయాణికులతో వెళ్లుతున్న ఆటోను లారీ ఢీకొనడంతో ఈ ప్రమాదం జరిగింది. మృతులను మంగళగిరికి చెందిన సాంబశివరావు, భిక్షారావుగా గుర్తించారు. మరో వ్యక్తిని ఇంకా గుర్తించలేదు. ప్రమాదం తర్వాత లారీ డ్రైవర్‌పరారయ్యాడు. మంగళగిరి పోలీసులు కేసు నమోదు చేసుకుని దర్యాప్తు చేస్తున్నారు.