చంద్రశేఖర్‌ కారుయాత్ర

భువనేశ్వర్‌: మాజీ ప్రధాని చంద్రశేఖర్‌ దేశవ్యాప్తంగా కారుయాత్రకు సన్నాహాలు చేస్తున్నారు. కేంద్ర ప్రభుత్వ ఆర్ధిక విధానాలను ఎండగట్టేందుకు తన సహచరులతో కలసి ఈ కారుయాత్ర సంకల్పించినట్టుగా చంద్రశేఖర్‌ చెప్పారు.

ఒరిస్సాలోని పూరి నుంచి గుజరాత్‌లోని పోర్‌బందర్‌ వరకు సాగే ఈ యాత్రలో దేశంలోని అన్ని ప్రధాన నగరాలను చంద్రశేఖర్‌ బృందం సందర్శిస్తుంది. ఈ యాత్రలో తాము ముఖ్యంగా గ్రామీణ ప్రాంత ప్రజలకు ఎన్‌డిఎ ప్రభుత్వ ఆర్ధిక విధానాలు దేశానికి చేస్తున్న చేటును గురించి వివరిస్తామని యాత్ర నిర్వాహకులు వెల్లడించారు. భారీ బహిరంగ సభతో చంద్రశేఖర్‌ యాత్ర జూన్‌ 4న ప్రారంభమవుతుందని ఆయన చెప్పారు.