• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చేపమందుకు ఏర్పాట్లు పూర్తి

By Staff
|

హైదరాబాద్‌: అంతర్జాతీయ ప్రఖ్యాతి గాంచిన హైదరాబాద్‌ చేపమందు పంపిణీకి ప్రభుత్వం ఏర్పాట్లు పూర్తి చేసింది. ఈ ఏడాది చేపమందు కోసం ఏడు లక్షల మంది వరకు వచ్చే అవకాశం వుందని ప్రభుత్వం భావిస్తున్నది. ఇందులో ఆస్తమా రోగులు మూడు లక్షల మందికిపైగా వుండవచ్చని వారితో కూడా వచ్చే వారు మరో మూడునాలుగు లక్షల మంది వుంటారని భావిస్తున్నారు.

రోగులకు ఉచితంగా మందును అందజేసే బత్తిన గౌడ్‌ సోదరులు కూడా ఎగ్జిబిషన్‌ గ్రౌండ్స్‌లో ప్రభుత్వ పరంగా జరిగిన ఏర్పాట్లను పర్యవేక్షించారు. మందుకు అవసరమైన కొర్రమీను చేపపిల్లల విక్రయానికి 42 కౌంటర్లను ఏర్పాటు చేశారు. వీటిలో మహిళలకు, విఐపిలకు, మిలటరీ సిబ్బందికి కొన్ని కౌంటర్లను ప్రత్యేకించారు. దేశ, విదేశాలనుంచి వచ్చే సందర్శకుల భద్రతను దృష్టిలో వుంచుకుని 800 మంది పోలీసు సిబ్బందితో బందోబస్తు ఏర్పాట్లు చేస్తున్నారు.

మందుపంపిణీ శుక్రవారం ఉదయం 8.30 గంటలకు ప్రారంభమవుతుంది. ఏకబిగిన 24 గంటలపాటు మందుపంపిణీ కొనసాగుతుంది. మొత్తం 32 కౌంటర్ల ద్వారా మందుపంపిణీ చేస్తారని బత్తిన హరినాథ్‌గౌడ్‌ చెప్పారు.

ఇదిలా వుండగా చేపమందు కోసం తరలివచ్చిన వారితో జంటనగరాల్లోని హోటళ్లు, లాడ్జీలు కిటకిటలాడుతున్నాయి. జంటనగరాల్లో బంధుమిత్రులు లేనివారంతా హోటళ్లలో బస చేస్తున్నారు. కాగా మధ్యతరగతి, దిగువమధ్యతరగతి ప్రజలకు అందుబాటులో వున్న లాడ్జింగ్‌లు , వసతిగృహాలు నిండిపోవడంతో చాలామంది ప్రజలు మందుపంపిణీ చేసే ఎగ్జిబిషన్‌ గ్రౌండ్స్‌లోనే ఈ పూట గడపాలన్న ఉద్దేశ్యంతో గ్రౌండ్స్‌కు చేరుకుంటున్నారు. వారిని పోలీసులు లోపలికి అనుమంతిచడం లేదు. చేపమందు పంపిణీరోజున ప్రజలకు ఇబ్బంది కలగకుండా అన్ని ఏర్పాట్లు చేసిన రాష్ట్ర ప్రభుత్వం వసతికోసం కూడా ఏమైనా ఏర్పాట్లు చేస్తే బాగుండేదని యుపి, ఢిల్లీ వంటి దూరప్రాంతాలనుంచి వచ్చిన వారు అంటున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more