రాజకీయ పార్టీగా టిఆర్‌ఎస్‌

హైదరాబాద్‌: తెలంగాణా రాష్ట్ర సమితి త్వరలో రాజకీయ పార్టీగా మారనుంది. త్వరలో జరుగనున్న పంచాయతీ ఎన్నికల్లో పార్టీ ప్రాతిపదికన పోటీ చేసేందుకు వీలుగా ఈ నిర్ణయం తీసుకున్నట్టుగా టిఆర్‌ఎస్‌ నేత చంద్రశేఖర్‌రావు వెల్లడించారు.

ఈ నెల 17 నుంచి 24 వరకు గ్రామాల్లో జనచైతన్య యాత్రలు నిర్వహిస్తున్నట్టుగా ఆయన వెల్లడించారు. జూన్‌22,23 తేదీల్లో పంచాయతీ ఎన్నికల నోటిఫికేషన్‌ వెలువడే అవకాశం వున్నదని ఆయన చెప్పారు. ఈ ఎన్నికలకు టిఆర్‌ఎస్‌ సన్నద్ధం అవుతున్నదని ఆయన వెల్లడించారు. 450 మండలాల్లో ఈ నెల 17 నుంచి 24 వరకు జనచైతన్య యాత్రలను నిర్వహించడానికి సన్నాహాలు చేస్తున్నారని ఆయన చెప్పారు.