తెలుగుదర్శకుడు తిరుపతిస్వామి మృతి

చెన్నయ్‌ః ప్రముఖ తెలుగుసినీ దర్శకుడు తిరుపతి స్వామి ఆదివారం తెల్లవారు జామున చెన్నయ్‌ లో జరిగిన రోడ్డుప్రమాదంలో మరణించారు. ఆయన ప్రయాణిస్తున్న కారు విద్యుత్‌ స్తంభానికి డీకొనడంతో తిరుపతిస్వామి అక్కడికక్కడే మరణించారు. కారుడ్రైవర్‌ ఆస్పత్రిలో చావుబతుకుల మధ్‌ వున్నాడు.

వెంకటేష్‌ తో గణేశ్‌ చిత్రంతో తెలుగు సినీపరిశ్రమలో దర్శకుడిగా కెరీర్‌ ప్రారంభించిన తిరుపతి స్వామి తొలిచిత్రంతోనే మంచిపేరు తెచ్చుకున్నాడు. ఆ తరువాత నాగార్జునతో ఆజాద్‌ చిత్రాన్ని నిర్మించి విలక్షణమైన దర్శకుడిగా పేరుపడ్డారు. ప్రస్తుతం ఆయన ప్రముఖ తమిళ హీరో విజయకాంత్‌ తో ఆయన సొంతబ్యానర్‌ పై సెల్యూట్‌ అనే చిత్రానికి దర్శకత్వం వహిస్తున్నారు. ఆ సినిమా రీ రికార్డింగ్‌ పనులు పూర్తి చేసుకొని తెల్లవారు జామున ఇంటికి వెళుతుండగా ఈ ప్రమాదం జరిగింది.

తిరుపతి స్వామి మృతికి తెలుగు సినీ పరిశ్రమకు చెందిన పలువురు సంతాపం వ్యక్తం చేశారు.