రాజ్యసభకు డిఎంకె అభ్యర్ధిగా శరత్‌

చెన్నై: ప్రముఖ సినీనటుడు శరత్‌కుమార్‌ను తమిళనాడు నుంచి రాజ్యసభకు జరుగనున్న ఎన్నికల్లో తమ పార్టీ అభ్యర్ధిగా పోటీలో నిలబెటుతున్నట్టు డిఎంకె ప్రకటించింది. ఈ మధ్య జరిగిన అసెంబ్లీ ఎన్నికల్లో శరత్‌కుమార్‌ డిఎంకె తరఫున విస్తృతంగా ప్రచారం నిర్వహించారు.

1998లో డిఎంకె టికెట్‌పై తిరునెళ్వలి నుంచి లోక్‌సభకు పోటీ చేసి పరాజయం పాలయ్యారు. దక్షిణభారత సినీతారల సంఘానికి కార్యదర్శిగా వున్న శరత్‌, కరుణానిధికి సన్నిహితులు. ఈ సారి రాజ్యసభ కాలపరిమితి ముగిసిన ఆరుగురు సభ్యుల్లో డిఎంకె ప్రతినిధి దురైస్వామి కూడా వున్నారు.