గుంటూరులో బాంబు దాడులు

గుంటూరుః ప్రాదేశిక ఎన్నికల సందర్భంగా గుంటూరులో గురువారం నాడు హింసాత్మక సంఘటనలు చోటు చేసుకున్నాయి. గుంటూరు జిల్లావీరఘట్టం, రొంపిచర్ల లలో తెలుగుదేశం- కాంగ్రెస్‌ పార్టీ కార్యకర్తలు బాంబు దాడులకు దిగాయి. రొంపిచర్ల పోలీస్టేషన్‌ కు సమీపంలో కొందరు అగంతకులు బాంబులు విసరడంతో అక్కడి ఉద్రిక్త వాతావరణం నెలకొంది. ఈ పరిణామాలతో నరసరావుపేట ఎమ్మెల్ల్యే కోడెల శివప్రసాద్‌, మాజీఎం.పి. కాసు కృష్ణా రెడ్డిలను ఇళ్ళ నుంచి బయటకు రావద్దంటూ పోలీసులకోరారు.

రెంటచింతల సమీపంలో తెలుగుదేశం- కాంగ్రెస్‌ పార్టీ కార్యకర్తలు ఘర్షణకు దిగారు. పరిస్థితి చేయి దాటి పోవడంతో పోలీసులు లాఠీలు ఝళిపించారు.అయినా పరిస్థితి అదుపులోకి రాకపోవడంతో గాలిలోకి కాల్పులు జరిపి అల్లరి మూకలను చెదర గొట్టారు.మిగిలిన మండలాలలో పోలింగ్‌ ప్రశాంతంగా జరుగుతున్నట్లు సమాచారంఅందింది.