కార్వీ కాల్‌సెంటర్లవిస్తరణ

హైదరాబాద్‌: హైదరాబాద్‌కు చెందిన కార్వీ కన్సల్టెంట్స్‌ కాల్‌సెంటర్‌ డివిజన్‌ను భారీ ఎత్తున విస్తరించాలని నిర్ణయించింది. ప్రస్తుతం 50 సీట్స్‌తో వున్న కాల్‌సెంటర్‌ సామర్ధ్యాన్ని 500 సీట్లకు పెంచాలని కార్వీ నిర్ణయించింది.

రెండేళ్ల కాలంలో 5 కోట్ల రూపాయల వ్యయంతో ఈ కాల్‌సెంటర్‌ను విస్తరిస్తారు. వాయిస్‌ బేస్డ్‌ సర్వీసును కూడా ప్రారంభిస్తున్నట్టుగా కార్వీ అధికారులు చెప్పారు. రానున్న అయిదేళ్ల కాలంలో ఆసియాపసిఫిక్‌ ప్రాంతంలో కాల్‌సెంటర్స్‌ పెద్ద ఎత్తున విస్తరించే అవకాశం వున్నదని ఈ మధ్యనే విడుదల చేసిన నివేదికలో ఐడిసి పేర్కొన్న విషయం విదితమే.