మరో రెండు రోజులు భారీ వర్షాలు

హైదరాబాద్‌ః రుతుపవనాల తీవ్రత కారణంగా రాష్ట్ర మంతటా భారీ వర్షాలు కురుస్తున్నాయి. మరో రెండు రోజుల పాటు ఇదే విధంగా వర్షాలు కురిసే అవకాశం వుందని వాతావరణ శాఖ అధికారులు చెప్పారు.

వర్షాకాలం వచ్చినప్పటికీ వర్షాలు సరిగా కురవకపోవడంతో రాష్ట్రంలోని 22 జిల్లాలలో తీవ్రమైన కరవు పరిస్థితులు నెలకొన్నాయి. ఈ సారి ముందుగానే రుతుపవనాలు ప్రవేశించినప్పటికీసరైన వర్షాలు కురవలేదు. దీనితో రైతులు తీవ్ర ఇబ్బందులకు గురయ్యారు. గురువారం నుంచి రాష్ట్ర వ్యాప్తంగా భారీ వర్షాలు కురుస్తున్నాయి. ఈ వర్షాలు రైతుల్లో ఆనందం నింపాయి.