వెంగాబాయ్స్‌ ప్రదర్శనకుఅనుమతి

హైదరాబాద్‌: వెంగాబాయ్స్‌ ప్రదర్శనకు హైకోర్టు అనుమతి ఇచ్చింది. హైదరాబాద్‌నగర శివార్లలోని ట్రెజర్‌ ఐలండ్‌లో మంగళవారం సాయంత్రం వెంగాబాయ్స్‌ ప్రదర్శన జరగాల్సి వుంది. అయితే అశ్లీలత కారణంగా ఈ ప్రదర్శనకు అనుమతి నిరాకరిస్తున్నట్లు రంగారెడ్డి జిల్లా పోలీసు సూపరింటిండెంట్‌ రామచంద్రరాజు చెప్పారు.

దీంతో నిర్వాహకులు కోర్టుకు వెళ్లారు. వెంగాబాయ్స్‌ ప్రదర్శనకు హైకోర్టు మంగళవారం అనుమతి ఇచ్చింది. దీంతో వెంగాబాయ్స్‌ ప్రదర్శన బుధవారం వుంటుంది. అసిస్టెంట్‌ కమిషనర్‌ స్థాయి అధికారి పర్యవేక్షణలో ఈ ప్రదర్శన నిర్వహించాలని హైకోర్టు ఆదేశించింది. పెప్సీ ఈ ప్రదర్శనను స్పాన్సర్‌ చేస్తోంది.