బుష్‌ హత్యకు లాడెన్‌ కుట్ర!!

న్యూయార్క్‌ః అమెరికా అధ్యక్షుడు జార్జ్‌ బుష్‌ హత్యకు అంతర్జాతీయ ఉగ్రవాది ఒసామాబిన్‌ లాడెన్‌ గతంలోనే కుట్రపన్నినట్టుగా వెల్లడయింది. ఇటలీలో గత జులైలో జరిగిన జి-8 దేశాల సదస్సు సందర్భంగా అమెరికా అధ్యక్షుడు జార్జ్‌ బుష్‌తో పాటు ఎనిమిది సంపన్న రాజ్యాల నేతలను మట్టుపెట్టేందుకు ఒసామాబిన్‌ లాడెన్‌ కుట్రపన్నినట్టుగా న్యూయార్క్‌ టైమ్స్‌ వెల్లడించింది.

ఈజిప్ట్‌ అధ్యక్షుడు హోస్నీ ముబారక్‌, ఇటలీ ఉప ప్రధాని గియాన్‌ ఫ్రాంకోఫినిలను ఉటంకిస్తూ ఈ మేరకు ఆ పత్రిక ఒక కథనాన్ని ప్రకటించింది. జి-8 దేశాల నేతలు సమావేశమైన భవనంపై దాడివిమానంతో దాడి చేయాలని లాడెన్‌ కుట్ర పన్నినట్టుగా తమకువిశ్వసనీయంగా తెలిసిందని ఫ్రెంచి టెలివిజన్‌ ఛానెల్‌కు ఇచ్చిన ఇంటర్వ్యూలో ఈజిప్ట్‌ అధ్యక్షుడు హోస్నిముబారక్‌ చెప్పారు. తమ దేశ గూఢచార విభాగంఅందించిన ఈ సమాచారాన్ని తాము అమెరికా చెవిన కూడా వేశామని ఆయన చెప్పారు. ఇటలీ ప్రధాని గియానో ఫ్రాంకో ఫినీ కూడా ఒక టెలివిజన్‌ ఛానెల్‌కు ఇచ్చిన ఇంటర్వ్యూలో అమెరికాపై దాడులకు తీవ్రవాదులు కుట్రపన్నినట్టుగా తమకు తెలిసిందని చెప్పారు.