సికింద్రాబాద్‌లో సామూహిక ఆత్మహత్య

హైదరాబాద్‌: సికింద్రాబాద్‌లోని ఒక కుటుంబం సామూహిక ఆత్మహత్యకు పాల్పడింది. కుటుంబ సభ్యులు నలుగురువిషాహారం తిని శుక్రవారం తెల్లవారు జామున ఆత్మహత్య చేసుకున్నారు. సికింద్రాబాద్‌లోని పార్శిగుట్ట ప్రాంతంలో జరిగిన ఈ సామూహిక ఆత్మహత్య ఆ ప్రాంతంలో తీవ్ర సంచలనం కలిగించింది.

ఆర్థిక ఇబ్బందులేమీ ఈ కుటుంబానికి లేవని,వీరెందుకు ఆత్మహత్య చేసుకున్నారో తెలియదని మృతుల బంధువులంటున్నారు. కుటుంబ తగాదాలేమైనా ఈ ఆత్మహత్యలకు కారణమై వుండవచ్చునని అనుమానిస్తున్నారు.విషాహారం తినడానికి నిరాకరించిన సుజాత పిల్లలు శ్రుతి, సుధాకర్‌ బతికి బయటపడ్డారు. సుజాత ఆత్మహత్య చేసుకున్నవారిలో వుంది.