మళ్లీ వివాదంలోఎంసిహెచ్‌ ఎన్నికలు

హైదరాబాద్‌ః హైదరాబాద్‌ నగర పాలక సంస్థకు పదిహేనేళ్ల సుదీర్ఘ విరామం తర్వాత ఎన్నికలు జరపడానికి జరుగుతున్న సన్నాహాలు ఆరంభం నుంచి వివాదాస్పదం మవుతున్నాయి.

తాజాగా డివిజన్ల విభజన, రిజర్వేషన్ల పై దాదాపు అన్నివిపక్షాలు తీవ్ర అభ్యంతరాలను, అసమ్మతిని వ్యక్తం చేస్తున్నాయి. ఇప్పటివరకు మౌనంగా వున్న అధికార తెలుగుదేశం పార్టీ మిత్రపక్షం బిజెపి కూడా ఇప్పుడు కాంగ్రెస్‌, మజ్లిస్‌ పార్టీలతో గొంతు కలిపింది. డివిజన్ల విభజనను, రిజర్వేషన్లను పునఃపరిశీలించాలని కోరతూ బిజెపి హైదరాబాద్‌ నగరశాఖ నేతలు మంగళవారం నాడు ఎన్నికల కమిషనర్‌ కాకి మాధవరావును కలిసి వినతి పత్రం సమర్పించారు. అయితే ఈవిషయం కమిషన్‌ కలగజేసుకునేది ఏమీ లేదని మాధవరావు వారికి చెప్పారు. కోర్టు ఆదేశాల మేరకు ఫిబ్రవరీ లోగా బల్దియా ఎన్నికలు నిర్వహించనున్నట్టుగా ఆయన చెప్పారు.