అంతర్జాతీయ వత్తిడికి పాక్‌ డిమాండ్‌

ఇస్లామాబాద్‌ః కాశ్మీర్‌తో సహా పెండింగ్‌లో వున్న సమస్యలన్నింటినీ పరిష్కరించుకునేందుకు వీలుగా ద్వైపాక్షిక చర్చలకు భారత్‌పై ప్రపంచదేశాలు వత్తిడితేవాలని పాకిస్తాన్‌ డిమాండ్‌ చేసింది.

వచ్చే నెల ఖాట్మండులో జరుగనున్న సార్క్‌ సమావేశాల సందర్భంగా భారత ప్రధాని వాజ్‌పేయితో చర్చలుజరిపేందుకు తమ అధ్యక్షుడుపర్వేజ్‌ ముషారఫ్‌ సిద్ధంగా వున్నారని కూడా పాకిస్తాన్‌పేర్కొంది.

ఉభయదేశాల మధ్య ఉద్రిక్తతలకు కాశ్మీర్‌అంశమే ప్రధాన కారణమని పాకిస్తాన్‌ పేర్కొంది. ఈ సమస్యల పరిష్కారానికి చర్చలే మార్గమని చర్చలకు మొరాయిస్తున్న భారత్‌పై ప్రపంచదేశాలే వత్తిడి తేవాలని పాకిస్తాన్‌ కోరింది. సీమాంతర ఉగ్రవాదాన్ని పాకిస్తాన్‌ ప్రొత్సహిస్తున్నదంటూ భారత్‌ చేస్తున్న ఆరోపణలను కూడా పాకిస్తాన్‌ ఖండించింది.