వ్యాక్సిన్‌ వికటించి నలుగురుమహిళల మృతి

అనంతపురంః అనంతపురం జిల్లాలో జన్మభూమికార్యక్రమంలో భాగంగా ఇచ్చిన వ్యాక్సిన్‌ వికటించి నలుగురు మహిళలు దుర్మరణం పాలయ్యారు. 16వ విడత జన్మభూమిలో భాగంగా శుక్రవారం అనంతపురం జిల్లా ఆమడగూడ మండలం కొడిమిరాళ్ళపల్లి గ్రామంలో గర్భిణీ స్త్రీలకు వ్యాక్సిన్‌ ఇచ్చారు. ఈ వ్యాక్సిన్‌ వికటించడంతో నలుగురు మహిళలు స్పృహతప్పి పడిపోయారు. వీరిని వెంటనే కదిరి ప్రభుత్వ ఆస్పత్రికి తరలించారు.

ఆస్పత్రిలో ఆ నలుగురు మహిళలు మరణించారు. జన్మభూమి కార్యక్రమంలో ఇటువంటి అపశృతి చోటుచేసుకోవడం సంచలనం కలిగించింది. లోపభూయిష్టమైన వ్యాక్సిన ఇచ్చిన కారణంగానే నలుగురు మహిళలు మరణించారనే ఆరోపణలున్నాయి. ఈ నలుగురు మహిళలు వ్యవసాయ కూలీలే.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!