మేయర్‌ అభ్యర్థికోసం దేశం కసరత్తు

హైదరాబాద్‌ః హైదరాబాద్‌ కార్పొరేషన్‌ ఎన్నికల్లో 28 మంది అభ్యర్థులతో తెలుగుదేశం పార్టీ తొలిజాబితాను ప్రకటించింది. మిత్రపక్షమైన భారతీయజనతా పార్టీకి 45 స్థానాలు కేటాయించిన తెలుగుదేశం 55 స్థానాలకు పోటీ చేస్తున్నది. ఈ 55 స్థానాలకు గాను 28 స్థానాలకు అభ్యర్థులను తెలుగుదేశం నేతలు శుక్రవారం సాయంత్రం ప్రకటించారు. చక్కటి విజయావకాశాలు వున్న అభ్యర్థులను పరిగణనలోకి తీసుకుంటున్నామని తెలుగుదేశం నేతలు వెల్లడించారు. కాంగ్రెస్‌ పార్టీ మేయర్‌ అభ్యర్థిని ప్రకటించగా తెలుగుదేశం పార్టీ ఈ విషయంలో వెనుకబడి వుంది.

కాంగ్రెస్‌ పార్టీ దానం నాగేందర్‌ ను మేయర్‌ అభ్యర్థిగా ప్రకటించింది. నాగేందర్‌ ను సమర్థంగా ఎదుర్కొనే వ్యక్తి కోసం తెలుగుదేశం వేట ప్రారంభించింది. నామినేషన్ల దాఖలుకు శనివారం ఆఖరు రోజు కావడంతో శుక్రవారం రాత్రికే మేయర్‌ అభ్యర్థిని నిర్ణయించేందుకు తెలుగుదేశం కసరత్తు చేస్తున్నది. మేయర్‌ స్థానానికి హిమాయత్‌ నగర్‌ ఎమ్మెల్ల్యే, మాజీ మంత్రి కృష్ణాయాదవ్‌, హుడా అధ్యక్షుడు తీగల కృష్ణారెడ్డిల పేర్లను తెలుగుదేశం అధిష్ఠానం పరిశీలిస్తున్నది. శనివారం ఉదయానికల్లా మిగిలిన 27 డివిజన్లకు కూడా అభ్యర్థులను ఖరారు చేసేందుకు పార్టీ నేతలు కంటికి కునుకులేకుండా కసరత్తు చేస్తున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!